علامات الساعة الكبرى جميعها بطريقة سهلة ومبسطة !

علامات الساعة الكبر بالتفصيل بطريق سهلة ومبسطة 

تبداء الاحداث بخروج المسيح الدجال و ظهور المهد المنتظر.. 

قبل الوقت ده هينتشر الظلم والجور والفتن والفساد والقتل لا يدري القاتل فيما قتل ولا المقتول فيم قتل !! تمتلئ الدنيا ظلم وجور وضياع وهتظهر علامات كتيييير من العلامات الصغرى الي اغلبها ظهر اصلا .. قربنا ربنا يستر .. كل ده ولسه المهدي مخرجش الى ان ياذن الله بذلك فيصلحه في ليلة واحدة او في ساعة واحدة من الليل ويصلحه مش معناها انه كان ضال وعاصي لا معناها تهيئته للحكم ويديله من القدرات والقوة والحكمة ما يؤهله ليكون قائد للناس فيخرج المهدي ومش هيدعو لنفسه ويروح للناس ويقلهم بايعوني انا المهدي !! لا الناس هي الي هتبايعه وهو مكره على كده فيتولى الخلافة وينقذ الدنيا من الي هي فيه ويحكم بالاسلام ويملى الارض عدل بعد ما اتملت ظلم وجور وينعم الناس بخيرااات ونعم محصلتش قبل كده ابدااا المال هيكون كتيير والزروع غزيرة والثمار كثيرة والخيير مالي الدنيا
ومعنى المهدي جاي من الهدى والهداية والرشاد هداه ربنا للدين والى الطريق المستقيم وللحق وبيرجع نسبه الى الحسن بن علي من نسل فاطمة الزهراء رضي الله عنها بنت النبي عليه الصلاة والسلام ... طيب سؤال اشمعنا ربنا اختاره من نسل الحسن ؟؟ ممكن مكافاة من ربنا ... مكافاة ازاي يعني ؟؟ الحسن بعد استشهاد والده علي رضي الله عنه في المسجد لما قتله ابن ملجم اتولى الخلافة وقتها فاصبح للناس امامان الحسن بن علي في العراق والحجاز وغيرهم ومعاوية بن ابي سفيان في الشام والي حوليها رضي الله عنهما والمسلمين اتقسموا وحصلت فتنة بينهم فقرر الحسن انو يوحد المسلمين تحت راية واحدة ويحقن الدماء فبعت لمعاوية عشان يتنازله عن الخلافة وده دليل على كفاءة معاوية بن ابي سفيان بردو وان الحسن وثق فيه وشاف انه اهل للخلافة (رضي الله عنهما كليهما ) فحكم الحسن 6 اشهر وساب الخلافة .. بقى محكوم بعد ما كان حاكم وترك الملك لان الدنيا مش فارقة معاه الي فارق معاه الاسلام وبس فكافئه ربنا بانه جعل من نسله المهدي ... سبحان الله ربنا دايما كريم علينا ولو اتقيناه هيجازينا ولو بعد سنييييييين فاطمئن .... اسم المهدي على اسم النبي (محمد ) وابوه اسمه ( عبد الله ) قال الرسول صلى الله عليه وسلم ( لو لم يبقى من الدنيا الا يوم واحد لطول الله ذلك اليوم حتى يبعث الله فيه رجلا مني يواطئ اسمه اسمي واسم ابيه اسم ابي .. )
ايه هي صفاته بقى ؟ هو رجل شعره مش متقدم على جبهته يعني جبهته واسعة وانفه طويلة ودقيقة من عند الارنبة ( الطرف يعني ) وفيها ارتفاع شوية ...
طب هيكون في ايه وقتها ؟؟ وهيخرج منين ؟؟
وقتها هيكون في خلاف لما يموت الخليفة الي كان بيحكم المسلمين ويحصل بين المسلمين اختلاف كبييير ويضطرب الناس ومش هيعينوا حد يحكمهم ولا هيجتعموا على خليفة بعده ووقتها هتحصل خناقة بين 3 اولاد خلفاء كل واحد منهم ليه اتباعه المهم هيتخانقو على كنز الكعبة ومحدش فيهم هياخده ... طب ايه كنز الكعبة ده ؟؟ اختلف فيه العلماء الي قالو " الكنز ده عبارة عن جبل من ذهب هو الي هيتحبس عنده نهر الفرات " وقالوا " الملك (الحكم يعني) " وناس قالو "ذهب وكنز مدفون تحت الكعبة " فالله اعلى واعلم ...طيب حد هيسال دلوقت مش في حد هيهدم الكعبة عنند ظهور المهدي ؟؟ طيب واحدة واحدة عشان منتوهش الكعبة هتتهدم في اخر الزمان بس هيكون ده بعد ظهور المهدي ونزول عيسى عليه السلام وبعد ما يعيش المسلمين في امان الله ويكونو غالبين وظافرين يعني هيكون في مرحلة متاخرة فيجي راجل اسود اصلع عنده اعوجاج في مفاصله من الحبشة يقال له ذو السويقتين تصغير ساق عشان ساقه صغيرة ورقيقة وهيكون معاه مجرفة ومعول يهدم بيهم الكعبة حجر حجر قال صلى الله عليه وسلم ( يخرب الكعبة ذو السويقتين من الحبشة ) ..... وهدم الكعبة لا يخالف ابدا قول ربنا ( أوَلَمْ يَرَوْا أَنَّا جَعَلْنَا حَرَمًا آمِنًا وَيُتَخَطَّفُ النَّاسُ مِنْ حَوْلِهِمْ ۚ أَفَبِالْبَاطِلِ يُؤْمِنُونَ وَبِنِعْمَةِ اللَّهِ يَكْفُرُونَ) سورة العنكبوت اية (67) ... وانه ازاي ربنا حماه من اصحاب الفيل مش هيحميه من الرجل ده ؟؟ اول حاجة الاية بتدل ان الحرم هيبقى امن الى قرب قيام الساعة وليس الى قيام الساعة وخراب الدنيا ,, تاني حاجة النبي اخبرنا ان اهل البيت هيستحلوه في اخر الزمان يعني هيتجراو عليه ويهملوه فربنا هيترك نصرتهم فسبحان الله وقت اصحاب الفيل بالرغم من ان اهل مكة كانو كافرين بس كانوا معظمين البيت الحرام البيت عندهم كان ليه منزلة عظيمة مفيش حاجة عندهم تفوق منزلته فربنا حماه من ابرة واصحاب الفيل ....نكمل طيب المهدي هيخرج منين ؟؟ اختلف فيه اهل العلم منهم الي قال من المشرق (المشرق يعني انهي بلد بالضبط ؟؟ الرسول محددش بس المشرق يشمل كل البلاد الي شرق المدينة المنورة )... ومنهم الي قال هيخرج من المدينة ومنهم الي قال من مكة ... فالعلماء اختلفوا في الموضوع ده بس عموما مش هيفرق تحديد المكان بالضبط ....

قبل ظهور الدجال هتحصل احداث ...

- المهدي وقتها هو هيكون خليفة المسلمين 

-الناس هتنسى ذكرالمسيح الدجال محدش هيعرف عنه بطلوا يتكلموا عن خبره وعن فتنته حتى الشيوخ على المنابر هيبطلوا يعرفوا الناس عنه 

-العرب هيكونو قليلين وقتها 

-كثرة الفتن 

-هتيجي على الناس 3 سنين شديدة جدا في السنة الاولى ربنا سـيآمرالسماء تحبس ثلث مطرها والارض تحبس ثلث نباتها وفي السنة التانية ربنا سـيآمرالسماء السماء فتحبس ثلثين ويآمر الارض فتحبس ثلثين وفي السنة الثالثة يآمر السماء فتحبس مطرها كله متنزلش ولا قطرة مية ويامر الارض فتحبس نباتها كله .. وتموت كل البهائم والاشجار والثمار وميتبقاش منها الا قليل اوي ..فسالو الناس الرسول طب ازاي الناس هتعيش في الوقت ده فرد الرسول صلى الله عليه وسلم ( التهليل والتكبير والتحميد ويجزئ ذلك عليهم مجزأة الطعام ) يعني عليهم بال3 دول .... سبحان الله المؤمن بذكره لربنا كتيير ربنا هييديله قوة في جسمه يتحمل بيها وكانه بياكل بالضبط .. قال تعالى ( يا ايها الذين امنوا اذكروا الله ذكرا كثيرا ) 

-خروج 30 كداب قال صلى الله عليه وسلم (وانه والله لا تقوم الساعة حتى يخرج 30 كذابا اخرهم الاعور الدجال ممسوح العين اليسرى ) 

-هيتعمر بيت المقدس والناس تسيب المدينة وتبقى اغلبها خراب ومفهاش غير جزء بسيط من الناس وبعدها هتحصل معركة المعركة دي هيخضها المسلمين مع الروم هيعملو هدنة وسلام بينهم عشان يحاربو عدو مجهول فيقاتل المسلمين والروم في صف واحد ضد العدو المجهول ده ويتنصروا على العدو ده ويغنموا وبعدين يروحوا يرتاحوا في ارض سهلة واسعة فيها حشائش ونبات فيقوم واحد من الروم رافع الصليب ويقول انتصر الصليب فيغضب واحد من المسلمين ويقله كذبت بل الله غلب فيرد عليه ويقله لا الصليب ويفضلو يردو على بعض فيثور المسلم للصليب ويكسره فلما يكسره يرحوا الروم يقتلوه فيقوم شوية من المسلمين لاسلحتهم وتقوم الحرب بين الروم والشوية دول فينتصر الروم ويكرم ربنا الشوية من المسلمين دول بالشهادة .... ويغدر بقى الروم بباقي جيش المسلمين بعد ما نصروهم وقاتلوا معاهم وتحصل معارك بينهم وينتصر المسلمين ويغنموا وياسروا منهم شوية حلوين والاسرى دول هيدخلوا في الاسلام كمان ومش بس كده ده هيبقوا مع صفوف المسلمين عشان يحاربوا الروم ... سبحان الله يهدي من يشاء ويضل من يشاء ... فيغضب الروم ويبداو يجمعوا نفسهم في حتة اسمها دابق ودي قرية تاريخية قريبة من مدينة حلب في سوريا على الحدود التركية يعني بين سوريا وتركيا قال صلى الله عليه وسلم ( لا تقوم الساعة حتى ينزل الروم بالاعماق او بدابق ... ) والله اعلى واعلم ... ويكون المسلمين جيش قال عنهم الرسول هم خيار اهل الارض يومئذ ويخرجوا من دمشق عشان يحاربوا الروم والجيش ده هيكون بقيادة المهدي وهنتكلم دلوقت عن المعركة باختصار .. اول ما يتقابل الجيشين يقوم الروم قايلين للمسلمين احنا عايزين نقاتل الاسرى بتوعنا الي اسلموا وبقوا في صفكوا "خلوا بيننا وبين الذي سبوا منا " (سيبونا لوحدنا ) فيرفض المسلمين طبعا ويقولو "لا والله لا نخلي بينكم وبين اخواننا " فيبدا القتال وتحصل اعظم ملحمة في تاريخ الكون محصلش زيها قبل كده ولا هيحصل بعدها .. واهل الكتاب مؤمنين جدا بالمعركة دي و بيستعدوا ليها من دلوقت وبيجهزوا اولادهم واحفادهم عشانها وبيسموها في كتبهم وعقائدهم "هرميجدون او ارمجيدون " ... توضيح هرمجيدون كلمة عبرية بتتكون من كلمتين هر معناها(جبل او تل ) ومجيدون ( اسم لمدينة في فلسطين ) والكلمة دي مش في ديينا ولا ليها تعريف عندنا تعريفها ده من التوراة والانجيل المحرفين وقايلين عنها حاجات غلط ومذكرهاش الرسول عندنا فعشان تاخدو بالكوا انا بس ذكرت معناها للتوضيح فقط ... نكمل تبدا الملحمة ويتهزم اول ثلث من المسلمين والثلث ده لا يتوب الله عليهم ابدا لانهم نكصوا على اعقابهم يعني رجعوا عن الحق واتخاذلوا وسابوا القتال .. ويتقتل الثلث الثاني من المسلمين ودول افضل الشهداء عند ربنا لانهم صدقوا في نيتهم واخلصوا لله فينعم ربنا عليهم بالشهادة .. ويتبقى الثلث الاخير لا يفتنون ابدا ... النية والاخلاص والصدق وقوة الايمان هي الي هتحدد مصير كل ثلث ... اخلصوا النية وقووا ايمانكم ... ينطلق الثلث الاخير ده لفتح القسطنطينية وهيفتحوها من غير قتال هيفتحوها بالتهليل والتكبير ... الفتح المقصود الفتح الاعظم الي الدجال هيظهر بعده لحديث الرسول صلى الله عليه وسلم (......ويفتتح الثلث لا يفتنون أبدا فيفتتحون قسطنطينية ... الى اخر الحديث ) وده غيرالفتح الي حصل على ايد محمد الفاتح ربنا يرحمه ...يقول الرسول عن الثلث ده ( وبينما هم يقتسمون الغنائم اذا جاءهم الصريخ ان الدجال قد خرج فيتركون كل شي ويرجعون) فيبعت المهدي 10 فرسان يشوفو هل فعلا الدجال خرج ولا لا والفرسان دول هم خير فرسان الارض يومئذ قَالَ عنهم رَسُولُ اللَّهِ صَلَّى اللَّهُ عَلَيْهِ وَسَلَّمَ : ( إِنِّي لَأَعْرِفُ أَسْمَاءَهُمْ وَأَسْمَاءَ آبَائِهِمْ وَأَلْوَانَ خُيُولِهِمْ هُمْ خَيْرُ فَوَارِسَ عَلَى ظَهْرِ الْأَرْضِ يَوْمَئِذٍ أَوْ مِنْ خَيْرِ فَوَارِسَ عَلَى ظَهْرِ الْأَرْضِ يَوْمَئِذٍ ) ... فيطلع كلام باطل كلام مش صحيح الشيطان هو الي صرخ فيهم كان عايز يخوفهم ويرعبهم وعايز يوقف الجيش .... ولما يرجعوا بقى للشام هيكون الدجال طلع ... وهنتكلم عن الي هيحصل بينهم وبين الدجال لما نتكلم عن العلامة الي جاية وهي نزول سيدنا عيسى عليه السلام

الدجال اعظم فتنة هيشهدها الناس الفتنة الي الرسول حذر وانذر منها كتييييير وخاف علينا منها ومفيش نبي من الانبياء الا انذر قومه من الدجال سيدنا ابراهيم وموسى وعيسى وشعيب وصالح ... (عليهم السلام ) كلهم انذروا اقوامهم منه .. طيب في حد هيسال هل الدجال ذكر في القران ؟ اشير اليه في القران في اية ( .......... يَوْمَ يَأْتِي بَعْضُ آيَاتِ رَبِّكَ لَا يَنفَعُ نَفْسًا إِيمَانُهَا لَمْ تَكُنْ آمَنَتْ مِن قَبْلُ أَوْ كَسَبَتْ فِي إِيمَانِهَا خَيْرًا ۗ قُلِ انتَظِرُوا إِنَّا مُنتَظِرُونَ) سورة الانعام اية (158 ) فقال الرسول ( (ثلاث اذا خرجن لم ينفع نفس ايمانها لم تكن امنت من قبل وذكر منها الدجال ) .... تاني حاجة ربنا اتكلم في ايات عن نزول سيدنا عيسى وبما انه ذكر نزول سيدنا عيسى عليه السلام بالتالي ده يشمل ذكر الدجال قال تعالى ( وَإِن مِّنْ أَهْلِ الْكِتَابِ إِلَّا لَيُؤْمِنَنَّ بِهِ قَبْلَ مَوْتِهِ ۖ وَيَوْمَ الْقِيَامَةِ يَكُونُ عَلَيْهِمْ شَهِيدًا ) سورة النساء اية (159) فده اشارة لذكر الدجال ...

المسيح الدجال رجل من بني ادم بشر زينا ... قصيرافحج يعني مشيته فيها عيب عشان رجليه بعيدة عن بعض .. جسمه ضخم وراسه ضخمة .. وشعره كثييف وجعد مش ناعم .. عينيه الاتنين فيها عيب عينه اليمين عوراء وشبها الرسول وكانها عنبة طافية والشمال عليها جلدة .. ابيض وجبهته واسعة .. شكله وحش اوووي اعوذ بالله ... مكتوب بين عينه (ك ف ر ) او (كافر) يقراها كل مؤمن سواء بيعرف يقرا ويكتب او امي مبيعرفش .... ربنا تبارك وتعالى هيوفق المؤمن بايمانه عشان يعرف يقرا الكلمة دي ... الله على الايماااان يارب املا قلوبنا بالايمان .. عقيم لا ولد له ,, طيب ليه اسمه المسيح الدجال ؟؟ اتسمى بالمسيح لان عينه ممسوحة وقيل لانه بيسمح الارض يعني بيلف الارض .. واتسمى الدجال من الدجل وهو الكذب عشان هيكتر منه الكدب والتدلييس والخلط ..

طب انا سمعت ان الدجال هو ابن صياد ... مين ابن صياد ده ؟؟ وهل فعلا هو الدجال ؟؟ 

ده غلام كان موجود في عهد النبي في المدينة و اسمه صاف ومعروف بابن صياد المهم الرسول شك ان هو الدجال من صفات كانت فيه فمرة كان الغلام ده بيلعب وكان داخل على سن البلوغ 15 سنة فقرب منه النبي صلى الله عليه وسلم وكان معاه سيدنا عمر رضي الله عنه فساله النبي .. قاله اتشهد اني رسول الله ؟ فرد ابن صياد وقاله "اشهد انك رسول الاميين ".. فسكت النبي فسال ابن صياد بقى النبي قاله اتشهد اني رسول الله ؟ فرد الرسول وقاله "امنت بالله ورسله " .. فحب النبي يختبر هل الصياد وهو صغير كده ده بيستعين بالجن وبيقلوله على حاجات ؟؟ فقاله " يا ابن صياد قد خبات لك خبيئا " ( خبيت عنك كلمة ... ايه هي ؟ خمنها يا ابن صياد ) .... فقال ابن صياد " الدخ " .. فالنبي قاله " اخسأ فلن تعدو قدرك " يعني قدرك انك كاهن كداب بتستعمل الجن والشعوذة ده اخرك .. فتسال النبي بعد كده ايه هي الكلمة يارسول الله ؟ فقال النبي انزلت عليا سورة الدخان .. فالشياطين قالت لابن صياد جزء من الكلمة الي سمعوها من الملائكة او سمعوها كلها وكل شيطان وهو بينقل لشيطان غيره نقص من الكلمة لغاية ما وصلت لابن صياد ناقصة ... ففضل النبي بيفكر وشاكك بردو هل ده الدجال ؟؟ فقاله عمر رضي الله عنه " ااذن لي ان اضرب عنقه " خليني اقتله ولد زي ده عنده جن وبيستعملهم وبيقول خزعبلات وشعوذة خليني اقتله ... فرد النبي عليه وقاله " ان يكن هو فلن تسلط عليه " يعني اذا ابن صياد ده الدجال فمش هتقدر تقتله ياعمر لان ربنا كتب وقدر ان سيدنا عيسى عليه السلام هو الي هيقتله .. " وان لا يكن هو فلا خير لك في قتله " ملكش حاجة في انك تقتله ....... وفي يوم تاني راح له النبي يمكن يعرف المرة دي هو الدجال ولا لا .. فبدا النبي يتخبى ورا النخل ويقرب منه فلقى ابن صياد نايم على جنبه وعمال يتهته بكلام مش واضح فقرب النبي اكتر واكتر هو وصاحبيه سيدنا عمر وابوبكر رضي الله عنهما فلفت ام صياد وقالت يا صاف يا صاف هذا محمد جاءك .. فقال النبي "لو تركته بين " يعني لو بس كانت امه سبته ومندتش عليه كنا سمعنا هو بيقول ايه وعرفنا هل هو الدجال ولا ... وفي مرة تاني ساله النبي ماترى يا ابن صياد ؟ فقال" ارى عرشا على الماء" فقال النبي "ذاك عرش ابليس " ....عرف ابن صياد ده لانه كان مشعوذ وكاهن الجن والشياطين كانوا بيوحو له بحاجات ... مات النبي صلى الله عليه وسلم وفضل الصحابة متحيرين في ابن صياد وكان لبعضهم قصص معاه بس في النهاية محدش عرف هو الدجال ولا لا ... والصحيح عن اقوال اهل العلم ان ابن صياد مش المسيح الدجال بس هو كاهن وعنده شياطين وليه في الشعوذة والحاجات دي وقالوا انه في نهاية حياته ممكن يكون تاب وحاله اتصلح من القصص الي حصلت بينه وبين الصحابة فالله اعلى واعلم

اين يوجد المسيح الدجال؟ 

الدجال موجود ومحبوس ومتقيد ومتكتف ومربوط بحديد تحت الارض في جزيرة في بحر ما ... فين بالضبط محدش يعرف ربنا وحده اعلم 

هل حد شاف المسيح الدجال قبل كده ؟؟ 

نعم كان في رجل اسمه تميم الداري شاف الدجال والي قالنا كده النبي صلى الله عليه وسلم .. في يوم النبي خلى المنادي ينادي في الناس "الصلاة جامعة الصلاة جامعة " فاجتمع الناس وصلوا وبعدين قلهم النبي استنوا كل واحد يخليه مكانه انا النهردة مجمعتكمش عشان حرب او غزوة فاستعين بيكم ولا جمعتكم عشان فلوس اوزعها عليكم ولكن جمعتكم عشان تميم الداري الي شايفينه ده كان نصراني وجه واسلم و قالي كلام زي الي كنت بحكيه لكم عن الدجال .. تميم قال للنبي انه خرج في الجاهلية في سفينة مع 30 رجل والبحر هاج وماج بيهم شهر كامل لغاية ما رست السفينة في جزيرة فدخلوا الجزيرة فطلعتلهم دابة شعرها كتيييير جدا لدرجة انهم معرفوش اولها من اخرها وقالوا ويلك ما انتي ؟ فقالت لهم انا " الجساسة " قالوا وما الجساسة؟! .. فردت وقالتهم روحو البيت الي هناك ده ففيه رجل متشوق انه يشفكم ... فخافوا انها تكون شيطانة فراحوا بسرعة للبيت ده فشافوا رجل مشفوش زيه قبل كده رجل عظيم الخلقة جسمه ضخم ومتكتف تكتييف جامد جدا ايده مربوطة لرقبته ورجليه من ركبته لكعبه مربوطة بحديد ... فخافو وقالولوه مين انت ؟! قالهم اصبروا شوية وهقلكم عني .. انتو مين ؟ فحكوله قصتهم من اول ما تاهو في البحر لغاية ما قابلو الجساسة ... فقلهم اخبروني عن نخل بيسان هل يثمر ؟؟ ( بيسان مدينة في فلسيطين ولو شوفتو صور ليها على النت النخل حاليا قل جدااا ) ... فقالو نعم .. قال اما انه يوشك الا يثمر ... فقالهم اخبروني عن بحيرة طبرية هل فيها ماء ( بحيرة طبرية موجودة بين الاردن وفلسطين وماؤها في تناقص مستمر يقال وصل مستوى المية فيها للربع ) ... قالوا هي كثيرة الماء فقالهم اما انه يوشك ان يجف ماؤها ... قال فاخبروني عن عين زغر هل فيه ماء وهل يزرع اهلها بالماء ؟ ( عين زغر موجودة على شاطئ البحر الميت ) ... قالو نعم هي كثيرة الماء واهلها يزرعون من مائها قال اما انها توشك ان تجف... قال فاخبروني عن نبي الاميين ما فعل ؟ قالو خرج من مكة ونزل يثرب (المدينة ) قال هل قاتله العرب ؟ قالو نعم قال هل صدقه الناس ؟ قالو في الي صدقوه وفيه كدبوه قال اما انه خير لهم ان يصدقوه .. انا هقلكم دلوقت انا مين ..انا الدجال وعلى وشك انه يؤذن لي بالخروج فهخرج وهلف الارض كلها الا مكة والمدينة على كل باب فيهم ملك ماسك سيف بيحرسها اذا حاولت ادخل منعوني ....فاخد النبي عصايته وفضل يضرب بيها يضرب بيها يضرب بيها ويقول هذه طيبة هذه طيبة هذه طيبة لا يدخلها الدجال وقال للصحابة " أَلاَ إِنَّهُ فِى بَحْرِ الشَّامِ أَوْ بَحْرِ الْيَمَنِ ، لاَ بَلْ مِنْ قِبَلِ الْمَشْرِقِ ما هُوَ ، مِنْ قِبَلِ الْمَشْرِقِ مَا هُوَ ، مِنْ قِبَلِ الْمَشْرِقِ مَا هُو " يعني اثبات انه من قبل المشرق اكد عليها كتير النبي عليه الصلاة والسلام ..... وشاور النبي صلى الله عليه وسلم مشرق المدينة ومشرق المدينة العراق وايران والله تعالى اعلى واعلم ..

هيخرج الدجال اول ما ربنا ياذنله وسبب خروجه انه هيغضب غضبة فتتحطم السلاسل المقيد بيها قال صلى الله عليه وسلم في حديث حفصة:" إنما يخرج من غضبة يغضبهاومذكرش حاجة عن سبب الغضبة دي ... وهيكون خروجه من جهة المشرق من اصبهان الي موجودة في اقليم خراسان ( ودي موجودة في ايران ) وحاليا فيها حوالي 30 الف يهودي اذا مكنش ازيد ووقت ما يخرج الدجال اول اتباعه هيكونوا 70 الف من يهود اصبهان عليهم االطيالسة يعني لابسين حاجة كده زي شال مخطط بينزل على كتفهم لغاية نص رجليهم وده الي بيلبسه عندهم المتديين من اليهود واهل الدين عندهم ... طب اشمعنا اليهود اول اتباعه ؟؟ اليهود مستنين الدجال اصلا وعندهم في عقيدتهم الدجال ده هو المسيح المنتظر وهو الي ربنا هيبعتهولهم ويقيم لهم دولة اليهود حتى من ضمن الي مذكور في كتبهم انه الدجال لو ظهر هيخلي لكل يهودي 1800 خادم ويخليله امواااال واطعمممة وكل حاجة وهيخلي السلطة اليهود .. لا حول ولا قوة الا بالله اللهم ثبتا على الدين والعقل .. ده غير بقى اتباعه الي هيبتعوه لما يبدا يفتنهم ويخدعهم من الكفار والمنافقين والجهلة الي معندهمش علم ولا دراسة وهيتبعه ستاااات كتييييير طبعا بحكم سرعة تاثرهم وعاطفتهم وقلوبهم الرهيفة الي هتوديهم في داهية لدرجة انه من شدة خوف الرجالة عليهم كل رجل هيربط الستات الي في بيته سواء مامته اخته مراته عمته خالته عشان ولا واحدة تطلع وهيتبعه كمان اقوام قال عنهم الرسول وجوههم كالمجان المطرقة ... المجن الي هو الترس الي بيستخدموه في الحرب (البتاع الي بيحتموا به من السيوف عامل زي هيكل السلحفاة الي فوقها .. حاجة زي كده ) والمطرقة ده صفة للترس ده فالقوم دول رؤوسهم قصيرة ووجوهم بيضاوية او مدورة وعريضة ومليانة لحم ....

الدجال هيفضل في الارض مدة اربعين يوم .. يوم كانه سنة كاملة ويوم كانه شهر ويوم كانه جمعة وال 37 يوم الباقيين هيكونوا ايام طبيعية ... في حاجة مهمة لازم اذكرها هنا لما الرسول قال للصحابة على اليوم الي كانه سنة كاملة سالوا النبي علطول .. تخيلوا كان ايه سؤالهم ؟؟ محدش فيهم سال ازاي يعني الشمس هتطلع امتى وتغرب امتى !!طب الشمس هيبقى لونها ايه!! طب الساعات ازاي طب هيبقى حر ولا برد!! طب هيبقى صيف ولا شتاء رمز تعبيري !! لالالا الناس دي بتسال الاسئلة الي تفيدها في دينها .. قالو يا رسول الله اليوم الي هيبقى سنة كاملة هيكفينا فيه صلاة يوم واحد ؟؟ ازاي نصلي كانه يوم عادي ؟؟ شايفين السؤال !! قد ايه الناس دي عظيمة كل همهم الصلاة قلوبهم متعلقة بربنا وبالصلاة اشد التعلق (رضي الله عنهم جميعا ) 

♥

 قال تعالى ( وانها لكبيرة الا على الخاشعين ) 

♥

 ....فجاوب الرسول وقتها وقلهم ( لا اقدروا له قدره ) بمعنى اتوقعوا امتى هيكون وقت الصلاة ..

نكمل المسيح الدجال هيجوب كل البلاد بسرعة رهيبة جدا يقول صلى الله عليه وسلم كالغيث استدبرته الريح الا مكة والمدينة ميقدرش يدخلهم حارسينها ملائكة معاهم سيوف فيجي الدجال على ابواب المدينة على ارض قرب المدينة يابسة ويشاور ويقول لاتباعه ؟ اترون هذا القصر الابيض ؟ هذا مسجد احمد .. ويحاول يدخلها فالملائكة تمنعه وتتهز المدينة 3 هزات فيخرج منها كل منافق وكافر ويروحوا يتبعوه ....

المسيح الدجال هيعمل ايه بقى وايه الفتن الي هيغري بيها الناس وكمية الناس دي هتصدقه ازاي ؟؟ 

طيب ربنا هيديله قدرات خااااارقة هيقدر يعملها باذن ربنا طبعااا عشان ربنا يختبر الناس فالضالين يتبعوه والمؤمنين لما يشوفوه يزدادو ايمان مع ايمانهم .... هيدعي الربوبية ويقول للناس انا ربكم اعبدوني وفي حديث الرسول بيقول ( انه أعور، وإن ربكم ليس بأعور) ... فتنته بقى هيروح على الارض الخربة الي مفهاش حاجة فيقلها اخرجي كنوزك فتتفجر الارض بالذهب والفضة وتتبعه الكنوز دي وكانها مجموعات نحل بتجري وراه فالناس يقفوا مذهولين فيقلهم الست بربكم ؟ شوفوا الارض اهي كنوزها بتتبعني ... ويمر على ناس فيدعوهم ويقلهم انا ربكم اعبدوني فميصدقهوش فيصحوا تاني يوم وارضهم قحط يابسة مفهاش أي خضرة ولا ثمار وانعامهم ومواشيهم تموت واموالهم تنقص ويروح على ناس تانية ويدعوهم فيصدقوه فيصبحوا تاني يوم يلاقوا ارضهم خضراء ومليانة مواشي انعام كتيير شعرها غزير ومليانة لحم وفيها لبن ... شايفين قد ايه اختبار صعب .... يامر السماء فتمطر والارض فتنبت ( كل ده باذن ربنا طبعااا ) ... ويعدي على الجاهل ويقله لو بعثتلك مامتك وباباك هتصدق وتؤمن اني ربك ؟ فيقله ايوة فيامر الدجال شيطانين فيتمثلو في صورة مامته وباباه ويكلموه بطبيعة الام والاب بحنان وبعطف ويقلوله امن به فانه ربك ! فيصدقه ويتبعه .. ويجي شاب طالب علم يروح للدجال فيساله الحراس بتوع الدجال انت رايح فين ؟ فيقلهم الى الدجال الكذاب لاقتله رمز تعبيري فيقلوله انت مبتؤمنش بربنا ؟؟ فيقلهم ما بربنا خفاء !! انا بؤمن بربنا من اول ما اتولدت وعارف صفات ربنا كلها صفات كاملة مطلقة عظيمة له الاسماء الحسنى والصفات العلى 

♥

 اما اني اؤمن بالدجال الاعور !!! لا والله ... فيطلع حارس سيفه عشان يقتله فيقله التاني لا ربنا (يقصدوا الدجال الي بيعبدوه ) ما امرناش نقتل حد الا بعلمه فيمسكوه ويودوه للدجال فيقله الدجال انت مبتؤمنش بيا ؟؟ فيقله انت المسيح الكداب .. ماهو الشاب عارف قرا بين عينه كلمة كافر او كفر وعارف صفاته من الرسول كويس وايمانه قوي جدااا ... فيقرب منه الدجال عشان يقتله ويقول لاتباعه لو قتلته واحييته هتؤمنوا بيا ؟؟ فيقولوه نعم فيقسمه الدجال نصين حتة في اليمين وحتة في الشمال قيل بسيف وقيل بمنشار ويمشي الدجال بين النصين ويقول قم فيتجمع النصين ... والله هو الي احياه اختبار للناس .... ويقف الشاب فيساله الدجال اامنت بي ؟؟ فيرد ويقله والله ما ازددت بك الا يقينا انت المسيح الكداب ... فياخد الدجال سكين عشان يدبحه ويتقاتل معاه فربنا يخلي رقبة الشاب نحاس فيحط الدجال السكين فمتدبحش النحاس فياخده الدجال ويرميه في ناره الي هي جنة ويلف الشاب للناس وهو في الجنة ويقلهم متصدقهوووش ده الدجال والله مش هيقدر يعمل في حد كده الا انا لان الله خلاه يقدريعمل كده في حد واحد بس فلو جرب يعمل كده تاني مش هيقدر ابداا .... 

ثواني ايه النار الي هي جنة الي هيرمي فيها الشاب ؟؟ 

الدجال معاه جنة ونار وناره جنة يعني الي يشوفها يلاقيها نار مشتعلة بس في الحقيقة هي برد وسلام رمز ... وجنته نار يشوفها الناس خضراء وحلوة وهي نار بتشتعل عذاب ... والرسول امرنا لو حد ادرك الدجال انه يتععوذ بالله من فتنته ويغمض عينه وينزل راسه ويشرب من ناره فناره ماء باااارد رمز تعبيري ... فقد ايه فتنته عظيمة جدا ربنا هيديله قدرات غير عادية تبهر العقول عشان محدش ينجو الا اهل الايمان واليقين ... مفيش فتنة من اول خلق سيدنا ادم الى قيام الساعة اعظم من فتنة المسيح الدجال يقول الرسول " مَا بَيْنَ خَلْقِ آدَمَ إِلَى قِيَامِ السَّاعَةِ خَلْقٌ أَكْبَرُ مِنْ الدَّجَّالِ " ولشدة عظم فتنته مفيش نبي الا وحذر قومه منه وكانوا اشدهم تحذير الرسول صلى الله عليه وسلم .... وقال صلى الله عليه وسلم انا اعلم بما مع الدجال منه ... ربنا عرف الرسول حاجات عن الدجال الدجال نفسه ميعرفهاش واخبر الرسول بيها اصحابه كتييير لدرجة ان الصحابة كانو بيتكلمو عنه في مسجد الرسول فخرج عليهم وسالهم فيماذا تتحدثون ؟ قالوا يارسول الله نتحدث عن الدجال قد اكثرت علينا فيه يعني كلمتنا عنه كتييير جدا كلمتنا عنه وانت على منبرك وانت في مسجدك واحنا رايحين نغزو حتى ظننا الدجال في اطراف النخل يعني افتكرناه قرب من المدينة قَالَ : (" غَيْرُ الدَّجَّالِ أَخْوَفُنِي عَلَيْكُمْ , إِنْ يَخْرُجْ وَأَنَا فِيكُمْ فَأَنَا حَجِيجُهُ دُونَكُمْ , وَإِنْ يَخْرُجْ وَلَسْتُ فِيكُمْ فَامْرُؤٌ حَجِيجُ نَفْسِهِ .... ) يعني لو طلع وانا موجود بينكم انا المسؤول عن الكلام معاه واسكاته ولو مكنتش فيكم فكل واحد مسؤوول عن نفسه... حبيبنا الرسول عليه افضل الصلاة والسلام مات وكل واحد مننا مسؤول عن انه ينجي نفسه منه فعشان كده لازم نعرف عنه نعرف صفاته نعرف فتنته نعرف ازاي نقي نفسنا من الفتنة دي ... ياحبيبي يارسول الله قد ايه خوفه على امته وحرصه الشديد عليها عليه وكمية الرحمة على امته عليه افضل الصلاة واتم التسليم 

♥♥

 ... بابي انت وامي يارسول لله 

♥

♥

________________________________________________________________________________

نهاية الدجال هتكون على ايد سيدنا عيسى عليه السلام وهنحكي ازاي لما نتكلم عن العلامة الثانية وهي نزول سيدنا عيسى عليه السلام ..

طب ازاي الواحد يقي نفسه من فتنة المسيح الدجال ؟؟ 

1-نعرف كويس اسماء الله وصفاته فالدجال اعور والله سبحانه وتعالى جميل منزه عن العيوب ( ليس كمثله شئ وهو السميع البصير ) 

♥

♥

2- حفظ العشر ايات الاولى من سورة الكهف قال صلى الله عليه وسلم ( من حفظ عشر ايات من اول سورة الكهف عصم من الدجال ) وفي رواية (من حفظ عشر آيات من آخر سورة الكهف عصم من فتنة الدجال ) فاحنا نحاول نحفظ السورة كلها بقى .... طيب سؤال اشمعنا سورة الكهف ؟ اول ايات سورة الكهف مذكور فيها ازاي الفتية هربوا من الملك الطاغية الجبار واحتموا في الكهف وده هيناسب حال الناس وقتها وانهم هيهربوا من الدجال ويستخبوا في الجبال زي ماقال النبي ( ليفرن الناس من الدجال في الجبال ) 

3-التحذير منه ونعرف باخباره وصفاته وازاي نقي نفسنا من فتنته ونعرف بعضنا بيه عرف غيرك يمكن غيرك ميعرفش 

4- نقوي ايماننا بالله ونتعلم العلم الشرعي ... لما قلنا قصة الشاب الي هيواجه الدجال كان اهم صفة فيه ايه ؟ (( العلم )) كان عالم باحاديث النبي وعرف ان ده الدجال رمز تعبيري رمز تعبيري 

5-الاستعاذة بالله من فتنته بعد التشهد الاخير من كل صلاة قال صلى الله عليه وسلم ( اذا فرغ احدكم من التشهد الاخير فليتعوذ بالله من اربع : من عذاب جهنم ومن عذاب القبر ومن فتنة المحيا والممات ومن شر المسيح الدجال ) 

6- الدعاء ان ربنا يعصمنا ويحمينا 

7- طب لو حد سمع انه طلع ( ربنا يعيذنا منه ) يعمل ايه ؟؟

-الفرار منه عشان نسلم في ديننا ونسلم من فتنته يعني لو خرج نبعد عنه ومحدش يروحله وبقول انا ايماني قوي بقى ويعمل نفسه عالم عصره فالرسول صلى الله عليه وسلم قال الرجل هيرحله يظن نفسه قوي الايمان فيشوف الدجال فيفتنه ويصدقه قال صلى الله عليه وسلم ( من سمع بالدجال فلينأ عنه فوالله ان الرجل لياتيه وهو يحسب انه مؤمن فيتبعه مما يبعث به من الشبهات ) 

- اللجوء الى الحرمين الحرم المكي والنبوي فزي ما قلنا قبل كده ان الدجال مش هيقدر يدخلهم

8- طب لو معرفش يهرب بقى ؟؟ 

- يتفل في وجهه (يتف يعني بعتذر على الكلمة )ويقرا العشر ايات الاولى من سورة الكهف قال صلى الله عليه وسلم ( من لقيه منكم فليتفل في وجهه وليقرا فواتح سورة اصحاب الكهف ) 

- الي يشوف ناره الي هي جنة يستغيث بربنا سبحانه وتعالى ويغمض عينه وينزل راسه ويشرب فناره ماء بارد

.. اللهم اعصمنا من فتنة المسيح الدجال اللهم املا قلوبنا ايمانا حتى لا يؤثر فينا الدجال يارب العالمين..

ده كله بحث وجهد من اهل العلم فمنهم مجتهد مصيب فله اجران ومنهم مجتهد مخطئ فله اجر واحد والعلم الكامل المطلق لله عز وجل 

♥

اللهم إن أخطأت فمن نفسي والشيطان وإن أصبت فمنك وحدك لك الحمد والشكر استغفرك واتوب اليك 

‏‎kiki‎‏ رمز تعبيري

 ..

الدجال عمال يفتن الناس ويغويهم وفي منهم الي هيصدقه وفي منهم الي هيكدبه ويعرف انه الدجال الكداب ... وقتها هيكون المهدي والي معاه رجعو للشام وعرفوا ان المسيح الدجال ظهر واتكلمنا عن كده بالتفصيل البوست الي قبله #المسيح_الدجال ... وهيروحو يتخبوا في جبل في الشام لغاية ما الدجال يوصلهم فيحاول يتسلق الجبل عشان يقتلهم وميقدرش ..... ويفضل الدجال محاصرهم في اسفل الجبل ومعاه عدد كبييير من الناس الي اتبعوه مستني أي فرصة عشان يقتل المسلمين والمسلمين فوق عددهم قليل جدا ومعاهم عتاد بسيط جدا ومفيش حاجة بتوصلهم لا اكل ولا شرب .. فيقوم واحد من المسلمين ويقلهم لامتى هنفضل كده ؟؟ لغاية ما الاكل والشرب يخلص ؟؟ ولا لغاية ما الدجال يطلعلنا ؟؟ احنا لازم ننزل نقتل الدجال الكداب الاعور لازم ننزل نحاربه ونقتله فيقرروا الليلة دي انهم هيصلوا الفجر وبعدها ينزلوا من الجبل يحاربوا الدجال حتى لو كان عددهم قليل وحتى لو كان هو اقوى منهم خلاص مش هيفضلو اكتر من كده محبوسين ومحاصرين .. خلاص اتفقوا على قتال الدجال وعزموا عزم اكييد على كده ... فياذنو ويقيموا لصلاة الفجر وقبل ما يبداو الصلاة الدنيا هتظلم عليهم فجاة هتظلم جامد لدرجة ان الواحد منهم هيطلع ايده مش هيشوفها ... ظلمة شديدة جدااا .. في الوقت ده هتتشقق ابواب السماء وهينزل سيدنا عيسى ابن مريم عليه السلام على المنارة البيضاء شرقي دمشق ..
طيب فين المنارة دي بالتحديد ؟ في منارة بيضاء في شرقي دمشق قيل ان دي الي هيكون نزول سيدنا عيسى عندها وفي علماء بيقولوا انه سيدنا عيسى هينزل عند منارة من منارات الجامع الاموي بدمشق ومحدش يعرف فين مكانها بالتحديد ربنا وحده اعلم ...
هينزل سيدنا عيسى وهو حاطط ايده على اجنحة ملكين ولابس ثوبين مصبوغين بلون اصفر بنبات اسمه ورس وبنبات الزعفران وشعره بيلمع وكانه اتصب عليه مية .. بعد نزول سيدنا عيسى عليه السلام هيروح للمهدي والي معاه والدنيا عندهم ظالمة جدااا فاول ما يرحلهم سيدنا عيسى هتختفي الظلمة دي وهيلاقو سيدنا عيسى قدامهم ..رجل مربوع القامة (يعني مش طويل ولا قصير ) وصدره عريض .. لون بشرته بيميل للحمرة والبياض .. شعره طويل وناعم .. لابس لبس الحرب ومستعد للقتال ... فيفرح المسلمين بيه وانه نزل وموجود بينهم ويفرح سيدنا عيسى عليه السلام بيهم .... ويقله المهدي : تقدم ياروح الله صل بنا ... فيقول سيدنا عيسى : لا بل بعضكم لبعض إمام انت تقدم فصل باصحابك ... قال رسول الله صلى الله عليه وسلم (ينزل عيسى بن مريم فيقول أميرهم المهدي تعال صل بنا فيقول لا إن بعضهم أمير بعض تكرمة الله لهذه الأمة ) فيتقدم المهدي ويصلي بيهم .... {صلاة سيدنا عيسى خلف المهدي مش معناها ان المهدي افضل من سيدنا عيسى !! لا طبعا !! سيدنا عيسى عليه السلام نبي من الانبياء ومن اولى العزم من الرسل والمهدي امام من ائمة المسلمين وقائد من قوادهم .. كمان الرسول صلى الله عليه وسلم صلى خلف سيدنا ابو بكر وخلف عبد الرحمن بن عوف (رضي الله عنهما ) وهو صلى الله عليه وسلم افضل منهم هما الاتنين والحكمة من صلاة سيدنا عيسى خلف المهدي انه يظهر انه نزل تابع لمحمد صلى الله عليه وسلم وحاكم بشرعه لان شريعة الاسلام ناسخة لكل الشرائع الي قبلها وهي اخر الشرائع والرسول محمد صلى الله عليه وسلم اخر الرسل } ... نكمل لما يخلصوا صلاة هيخيرهم سيدنا عيسى بين 3 حاجات يا اما ربنا يبعت على الدجال وجنوده عذاب من السماء او يخسف بيهم الارض او ربنا يسلط سيوف المسلمين على الدجال واتباعه ويكف سيوف الدجال واتباعه عن المسلمين .. يسالهم سيدنا عيسى هتختاروا ايه ؟؟ .. شايفين ربنا كريم ازاي بعد ما كان المسلمين محاصرين في الجبل ومفيش حاجة بتوصلهم والدجال تحت مستني أي فرصة عشان يقتلهم نزل عليهم سيدنا عيسى وخيرهم بين 3 حجات يهلك بيها الدجال .. قد ايه ربنا كريم ومع عباده دايما وفي كل وقت ووعد عباده المؤمنين بالنصر قال تعالى (إِنَّا لَنَنصُرُ رُسُلَنَا وَالَّذِينَ آمَنُوا فِي الْحَيَاةِ الدُّنْيَا وَيَوْمَ يَقُومُ الْأَشْهَادُ ) سورة غافر اية (51)

نكمل فيقول المسلمين لسيدنا عيسى ياروح الله الثالثة احب الينا واشفى لصدورنا وانفسنا .. الدجال قتل من اهلنا واغواهم وفتن اصحابنا .. الثالثة ياروح الله فيختاروا ان ربنا يسلط سيوفهم على الدجال واتباعه ويكف سيوف الدجال واتباعه عنهم .. فيوافقهم سيدنا عيسى على كده فينزلو للدجال واتباعه وتبدا المعركة بينهم ويسلط ربنا المسلمين عليهم لدرجة ان اليهودي العظيم الطويل الاكول الشروب الي من اتباع الدجال مش هيقدر يمسك السيف من الرعشة الي في ايده يقول صلى الله عليه وسلم (..... فيومئذ ترى اليهودي العظيم الطويل الاكول الشروب لا تقل يده سيفه من الرعدة ) ..ويهرب المسيح الدجال من المعركة اول ما يشوف سيدنا عيسى ويروح لبيت المقدس فيلحقه سيدنا عيسى عليه السلام ومعاه المسلمين عند باب مدينة (لد ) مدينة موجودة في فلسطين .. فاول ما الدجال يشوف سيدنا عيسى يذوب زي ما بيدوب الملح في المية من شدة الخوف يقول صلى الله عليه وسلم في حديث طويل ( ..... فإذا نظر إليه الدجال ذاب كما يذوب الملح في الماء . وينطلق هاربا ، … فيدركه عند باب لد الشرقي ، فيقتله ...... الى اخر الحديث ) فيطعنه سيدنا عيسى بحربته (والحربة دي الة قصيرة من حديد وحادة وبيستخدموها في الحرب تقريبا الخنجر او حاجة زيه ) .. ويموت الدجال ويرفع سيدنا عيسى الحربة عشان الناس تشوف دم الدجال وهو بيسيل وان الدجال الكداب اتقتل .. كمان ربنا ادى سيدنا عيسى ميزة عظيمة وهي ان أي كافر هيشم ريحة نفسه هيموت ونفسه عليه السلام بينتهي عند نهاية بصره ومدى رؤيته بمعنى ان الكفار الي في مدى رؤيته هيموتوا ... ويكمل المسلمين الحرب مع اليهود الي كانو اتباع للدجال وربنا يهزمهم على ايد المسلمين فلو يهودي اتخبى وراء حاجة سواء شجر او حجر او غيرهم ربنا هيخلي الحاجة دي تنطق وتتكلم وتقول "يامؤمن هذا يهودي فاقتله " الا شجر الغرقد لا تنطق والشجرة دي مشهور بيها اليهود وبيزرعوها كتيير عندهم ... وتنتهي المعركة ..
انتصر المسلمون باذن الله واتهزم اليهود اشد هزيمة واتقتل المسيح الدجال وانتهت اعظم فتنة شهدها الناس .... ويبدا سيدنا عيسى يمسح يايده الكريمة على وجوه المسلمين الي معاه ويقلهم عن درجاتهم في الجنة ... وفي الوقت ده هيوحي له ربنا سبحانه وتعالى انه اذن بخروج قبيلتين عظيمتين (ياجوج وماجوج ) والي مفيش حد هيقدر عليهم فخد الي معاك من المسلمين واستخبى في جبل الطور... وهنتكلم عنهم وعن حكايتهم بالتفصيل في العلامة الجاية ان شاء الله ......
نكمل وبعد هلاك ياجوج وماجوج هيعيش المسلمين مع سيدنا عيسى عليه السلام ... ملاحظين ان اول اتباع سيدنا عيسى هيكونوا مسلمين من امة محمد احنا كمسلمين ايماننا مش بس بسيدنا محمد ايماننا كمان بسيدنا عيسى وبكل الانبياء والرسل ......
نكمل عهد سيدنا عيسى هيكون من افضل السنين والرسول صلى الله عليه وسلم قال طوبى لعيش بعد المسيح ( يعني طوبى للعيش بعد نزول سيدنا عيسى عليه السلام للارض ) .... مش بس كده ده الرسول اتمنى انه عمره يطول عشان يقابل سيدنا عيسى في اخر الزمان ووصانا عليه افضل الصلاة والسلام اننا نوصل لسيدنا عيسى السلام ... قال صلى الله عليه وسلم " إِنِّي لَأَرْجُو إِنْ طَالَ بِي عُمُرٌ أَنْ أَلْقَى عِيسَى ابْنَ مَرْيَمَ عَلَيْهِ السَّلَام ، فَإِنْ عَجِلَ بِي مَوْتٌ ، فَمَنْ لَقِيَهُ مِنْكُمْ فَلْيُقْرِئْهُ مِنِّي السَّلَامَ " .... الله ايه الجمال وايه الحب العظيم ده الي بين رسولنا الكريم صلى الله عليه وسلم وبين سيدنا عيسى عليه السلام ...
طب سيدنا عيسى هيفضل قد ايه في الارض ؟؟ وهيعمل ايه غير انه قتل المسيح الدجال وايه الي هيحصل في عهده ؟؟
سيدنا عيسى هيفضل في الارض 40 سنة وبعدها يموت قال صلى الله عليه وسلم (فيمكث في الارض اربعين سنة ثم يتوفى ويصلى عليه المسلمون ) .... هيحكم سيدنا عيسى بالعدل وبالقران وبسنة الرسول محمد صلى الله عليه وسلم ويدعو للاسلام ويبطل الديانات والملل التانية غير الاسلام.. وهيكسر سيدنا عيسى عليه السلام الصليب الي النصارى بيعظموه وفاكرين ان سيدنا عيسى اتصلب عليه ويقلهم ليه بتعظمو الصليب ده !! ليه بتعلقوه على صدوركم !! ليه بتخلوه شعار لدينكم !! ليييه ؟؟ انا مليش علاقة بالصليب ده اصلا !! .... ربنا تعالى بيقول (وَقَوْلِهِمْ إِنَّا قَتَلْنَا الْمَسِيحَ عِيسَى ابْنَ مَرْيَمَ رَسُولَ اللَّهِ وَمَا قَتَلُوهُ وَمَا صَلَبُوهُ وَلَٰكِن شُبِّهَ لَهُمْ ۚ وَإِنَّ الَّذِينَ اخْتَلَفُوا فِيهِ لَفِي شَكٍّ مِّنْهُ ۚ مَا لَهُم بِهِ مِنْ عِلْمٍ إِلَّا اتِّبَاعَ الظَّنِّ ۚ وَمَا قَتَلُوهُ يَقِينًا ) سورة النساء اية (157) ... وهيقتل سيدنا عيسى الخنزير ويامر باعدامه مبالغة في تحريم اكله واكل لحم الخنزير محرم في كل الاديان في النصرانية محرم وفي اليهودية محرم بردو وطبعا محرم عندنا في الاسلام وبالرغم من كده كتييير من الناس بياكلوه وخصوصا النصارى !!!!! ... معلومة على السريع ** (الخنزير حيوان نجس وقذر بياكل الفضلات والقاذورات وبينقل للانسان حوالي 75 مرض وبائي ده غير الامراض العادية الي بينقلها سواء من اكل لحمه او من تربيته ومخالطته او من تلوث الاكل بمخلفاته ومن الامراض دي تليف الكبد وعسر الهضم والعقم وتصلب الشرايين والسل وداء اليرقات الشريطية والتسمم الدموي والحمى اليابانية وامراض غيرهم كتييير كمان اكله بيخلي الانسان معندوش غيرة على محارمه لانه اصلا حيوان معدوم الغيرة بعكس الحيوانات التانية بردو مش معنى كده ان ربنا خلق الخنزير لغير حكمة !! مش كل حيوان اتخلق عشان يتاكل بس في حيوانات كتيير ربنا خلقها لحكم تانية في الحياة ومنها الخنزير )*** ... سبحان الله ربنا محرمش حاجة علينا الا لمصلحة لينا .. (الحمد لله دائما وابدا ) ..
نكمل مش هيقبل سيدنا عيسى غير دين الاسلام ومش هياخد الجزية من حد (والجزية مبلغ من المال بيتاخد من غير المسلمين مقابل انهم يعيشوا في بلاد المسلمين ويكونو تحت حماية المسلمين وتتقدملهم خدمات البلد زي المسلمين بالضبط وده قمة العدل شايفين ديننا ياجماعة الحمد لله بجد على نعمة الاسلام ) وعدم اخده للجزية مش معناه انه هيجبر غير المسلمين على دخول الاسلام ! هما الي هيدخلو في الاسلام طواعية لان النصارى الي كانو فاكرين ان سيدنا عيسى هو ابن لله اول ما يشوفو سيدنا عيسى نازل ويكلمهم هيعرفوا انهم كانو في ضلال فيتبعوه ويدخلوا في الاسلام هما دول المؤمنين الي بيبحثوا عن حقيقة الايمان بالله عز وجل وعن طريق الحق من غير عند او تكبر او اعراض قال تعالى (وَإِن مِّنْ أَهْلِ الْكِتَابِ إِلَّا لَيُؤْمِنَنَّ بِهِ قَبْلَ مَوْتِهِ ۖ وَيَوْمَ الْقِيَامَةِ يَكُونُ عَلَيْهِمْ شَهِيدًا ) سورة النساء اية (159) ... ويبقى في دين واحد بس هو الاسلام مفيش دين ولا ملة تانية لا يهودي ولا نصراني ولا مجوسي ولا بوذي ولا هندوسي ...وينشغل الناس باخرتهم ويقربوا من ربنا لدرجة ان السجدة الواحدة هتبقى بالنسبالهم خير من الدنيا وما فيها .. وتختفي بينهم العداوة والكره والحسد والاذية حتى الثعابين والعقارب هتبقى مش سامة ومش هتاذي حد ويلعب الصغيرين مع الاسود ومتاذيهمش وترعى الذئاب مع الغنم ومتاذيهاش .. ويكتر المال في عهده لدرجة ان الناس هتتصدق ومش هيلاقو حد ياخد الصدقة وتنتشر البركة والخير فالرجال الكتير هيتجمعو على عنقود عنب واحد عنقود واحد بس ويشبعهم وينتشر الامن وتنتهي الحروب والقتال وبدل ما الناس يستخدمو السيوف للقتل هيستخدموها عشان يقطعوا الزرع خلاص مفيش حرب ولا قتال كل ده انتهى قال صلى الله عليه وسلم (......... وَإِنَّهُ لا تَزَالُ مِنْ أُمَّتِي أَمَةٌ يُقَاتِلُونَ فِي سَبِيلِ اللَّهِ ، لا يَضُرُّهُمْ مَنْ خَالَفَهُمْ ، يَزِيغُ اللَّهُ قُلُوبَ قَوْمٍ يَرْزُقُهُمْ مِنْهُمْ ، يُقَاتِلُونَ حَتَّى تَقُومَ السَّاعَةُ ، وَلا تَضَعُ الْحَرْبُ أَوْزَارَهَا حَتَّى يَخْرُجَ يَأْجُوجُ وَمَأْجُوج ) وزي ما قلنا خروج ياجوج وماجوج هيكون في بداية عهد سيدنا عيسى.... يااااااه كل ده خيير في عهد سيدنا عيسى عليه السلام صدق رسولنا الكريم "طوبى لعيش بعد المسيح " ..
وهيحرم سيدنا عيسى عليه السلام بالحج والعمرة من فج روحاء وهو طريق بين مكة والمدينة واحرامه يا اما هيكون متمتع يعني هيحرم بالعمرة في اشهر الحج وبعدها يتحلل ويقعد في مكة لغاية ما يحرم بالحج او هيكون احرامه قران يعني هيجمع العمرة والحج في احرام واحد .. قال صلى الله عليه وسلم ) والذي نفسي بيده ليهلن ابن مريم بفج الروحاء حاجا أو معتمرا أو ليثنينهما) ...

طيب ايه الادلة على نزول سيدنا عيسى عليه السلام وايه الحكمة من نزوله ؟ 

زي ما احنا عارفين ربنا سبحانه وتعالى رفع سيدنا عيسى عليه السلام لما جه اليهود عشان يقتلوه وخلى واحد من الحواريين الي نصروا سيدنا عيسى شبهه فلما راحو اليهود عشان يقتلوه افتكروا الشاب الي لقوه هو سيدنا عيسى فاخدوه وصلبوه وحطوا شوك على راسه اهانة ليه على اساس انه سيدنا عيسى وسلموه للنصارى الي مشفوش الي حصل فافتكر النصارى ان سيدنا عيسى اتصلب وهما في معتقدهم فاكرين ان سيدنا عيسى ابن الله وانه اتقتل واتصلب وان ربنا رفعه بعد 3 ايام من صلبه وهو دلوقت قاعد جنب ابيه (الرب ) وانه هينزل اخر الزمان وطبعا ده غلط سيدنا عيسى مش ابن الله بل هو بشر عبد رسول ... سيدنا عيسى ما اتقتلش ولا اتصلب اصلا وربنا رفعه للسماء علطول وهينزل اخر الزمان ويحكم بشريعة الرسول محمد صلى الله عليه وسلم وهيدعو للاسلام ومش هيقبل غير دين الاسلام والادلة على نزوله كتييير منها :
1- قال تعالى (وَإِنَّهُ لَعِلْمٌ لِّلسَّاعَةِ فَلَا تَمْتَرُنَّ بِهَا وَاتَّبِعُونِ ۚ هَٰذَا صِرَاطٌ مُّسْتَقِيمٌ) سورة الزخرف اية (61) .. يعني نزول سيدنا عيسى علامة للساعة ودليل على انتهاء الدنيا وعلى قرب القيامة ..
2- قال تعالى }وَقَوْلِهِمْ إِنَّا قَتَلْنَا الْمَسِيحَ عِيسَى ابْنَ مَرْيَمَ رَسُولَ اللَّهِ وَمَا قَتَلُوهُ وَمَا صَلَبُوهُ وَلَٰكِن شُبِّهَ لَهُمْ ۚ وَإِنَّ الَّذِينَ اخْتَلَفُوا فِيهِ لَفِي شَكٍّ مِّنْهُ ۚ مَا لَهُم بِهِ مِنْ عِلْمٍ إِلَّا اتِّبَاعَ الظَّنِّ ۚ وَمَا قَتَلُوهُ يَقِينًا (157) بَل رَّفَعَهُ اللَّهُ إِلَيْهِ ۚ وَكَانَ اللَّهُ عَزِيزًا حَكِيمًا (158) وَإِن مِّنْ أَهْلِ الْكِتَابِ إِلَّا لَيُؤْمِنَنَّ بِهِ قَبْلَ مَوْتِهِ ۖ وَيَوْمَ الْقِيَامَةِ يَكُونُ عَلَيْهِمْ شَهِيدًا (159) { سورة النساء .. فسر اغلب المفسرين الاية دي بان الضمير في كلمة (به ) وكلمة (موته ) عائد على سيدنا عيسى وان معنى الاية انه بعد نزول سيدنا عيسى اخر الزمان وقبل موته مش هيفضل حد من اهل الكتاب الا وهيؤمن ويصدق بيه ..
3- عن حذيفة بن أسيد الغفاري - رضي الله عنه - قال : اطلع النبي - صلى الله عليه وسلم - علينا ونحن نتذاكر . فقال : " ما تذكرون ؟ " . قالوا : نذكر الساعة . قال : " إنها لن تقوم حتى تروا قبلها عشر آيات ، فذكر الدخان ، والدجال ، والدابة ، وطلوع الشمس من مغربها ، ونزول عيسى بن مريم ، ويأجوج ومأجوج ، وثلاثة خسوف : خسف بالمشرق ، وخسف بالمغرب ، وخسف بجزيرة العرب ، وآخر ذلك نار تخرج من اليمن تطرد الناس إلى محشرهم ، وفي رواية : " نار تخرج من قعر عدن تسوق الناس إلى المحشر " ... فذكر الرسول نزول سيدنا عيسى عليه السلام وانه علامة من علامات الساعة ..
4- قال رسول الله صلى الله عليه وسلم ( والذي نفسي بيده ليوشكن أن ينزل فيكم ابن مريم حكما عدلا فيكسر الصليب ويقتل الخنزير ويضع الجزية ويفيض المال حتى لا يقبله أحد حتى تكون السجدة الواحدة خيرا من الدنيا وما فيها ثم يقول أبو هريرة واقرءوا إن شئتم وإن من أهل الكتاب إلا ليؤمنن به قبل موته ويوم القيامة يكون عليهم شهيدا) فذكر الرسول نزول سيدنا عيسى وبعض الحاجات الي هيعملها ...
__________
الحكمة من نزول سيدنا عيسى بقى كذا حاجة منها ..
- عشان ربنا يبين كدب اليهود في انهم بيقولو انهم قتلوا سيدنا عيسى فربنا هيننزله اخر الزمان وهو الي هيقتلهم ويقتل رئيسهم الدجال
- عشان سيدنا عيسى يكدب النصارى في انهم قالو عنه ان هو ابن الله ويبطل معتقدهم في انه اتصلب ويبطل كل الاديان والملل غير الاسلام
- عشان يدفن في الارض لان مفيش مخلوق من تراب الا ولازم يموت في الارض ويدفن فيها وسيدنا عيسى عليه السلام بشر من تراب
- عشان سيدنا عيسى لما نزل عليه الانجيل ولقى فيه فضل امة محمد صلى الله عليه وسلم دعا ربنا انه يخليه منهم فاستجاب ربنا دعاءه وهينزله في اخر الزمان داعي لدين الاسلام الي بعث بيه رسولنا محمد صلى الله عليه وسلم ....
ويموت سيدنا عيسى عليه السلام ويصلي عليه الناس ويدفنوه وبعد موته عليه السلام هيبدا فناء الكون تدريجياا وهنتكلم عن كده ان شاء الله واحنا بنكمل علامات الساعة الي باقية ...
ده كله بحث وجهد من اهل العلم فمنهم مجتهد مصيب فله اجران ومنهم مجتهد مخطئ فله اجر واحد والعلم الكامل المطلق لله عز وجل

بعد ما نزل سيدنا عيسى عليه السلام وبعد ما قتل الدجال ربنا سبحانه وتعالى هياذن بخروج ياجوج وماجوج ...
مين ياجوج وماجوج دول وايه قصتهم ؟؟
يأجوج ومأجوج مكنوش شخصين زي ما الاسم بيوحي , ولا كائنات فضائية زي ما البعض بيزعُم
دي اسامي قبيلتين من نسل يافث بن نوح
قبيلة يأجوج اسمها مأخوذ من أجيج النار يعني إلتهابها بشدة
وقبيلة مأجوج اسمها مأخوذ من الماء الأجاج الي هو شديييد الملوحة لدرجة انو بيحرق من كتر ملوحته .. أو يُقال مأخوذ من ماج الماء يعني تقلّب واضطرب
و أسمائهم لوحدها خير دليل على غلظتهم
الغريب والمميز فيهم شكلهم الي غريب عن البشر شوية..
وشهم عريض مدّور ومُسطح ومليان , عيونهم صغيرة , شعرهم اسود محمر
أقوياء جدااااا ومحدش يقدر عليهم
أعدادهم كبييييرة لدرجة انه في أحاديث عن يوم القيامة لما ربنا يأمر بإخراج أقوام من النار للجنة هيخرج شخص واحد بس من كل 1000 ,, والمقصود إن الـ999 من يأجوج ومأجوج هيفضلوا في النار , و الواحد ده من باقي نسل آدم هو الي هيخرج للجنة - والمراد اننا نلاحظ قد ايه عددهم كبييير جدا حتى رغم مقارنتهم بباقي النسل كله -
فتخيّل كمية الفساد الي ممكن تحصل بـ قوم أضعاف أضعافنا عدداً وقوةً وبأساً
_
الي حصل إنهم كانوا أقوام مفسدة ف الأرض , بيئذوا كل القبائل الي جنبهم , بيهجموا عليهم مرة كل سنة ياخدوا كل خيرات البلد ويتسببوا في قتل الناس وإصابتهم ويمشوا , يسيبوهم سنة يعوّضوا الي خسروه وعقبال مايبتدوا يزرعوا تاني ويكوّنوا خيرات جديدة ينزلوا عليهم تاني يسرقوهم وينهبوا خيراتهم ويبهدلوهم
_
وكان في الوقت ده في ملك صالح يُلقب بـ ذي القرنين , ربنا ميّزه بالتمكين ف الأرض (إنا مكنّا له في الأرض) يعني إداله الإمكانيات الي تخليه يقدر يتصرف زي ماهو عايز , و دي هبة كبيرة ربنا إدهاله لانه مأمون التصرف يعني مضمون عند ربنا انه هيعمل الصح .. بس كان مهم جداً توضيح الفرق بين التمكين بمنح الإمكانيات والأسباب , وبين المعجزات والكرامات
ذو القرنين مكنش نبي ولا من الأولياء فهو الي عنده مكنش معجزات ولا كرامات , إنما ربنا ملّكه مفاتيح العلم ,, فبقى في ايديه علوم الهندسة والجغرافيا والفيزيا وغيرها وكان عليه كيفية التصرف بها
بمعنى إن ربنا إداله الأسباب الي يقدر من خلالها يوصل لأي حاجة هو عايزها وينفذها (وآتيناه من كل شيء سببا) .. فـ كان بيتّبع الأسباب دي ويمشي ف الطريق الي ربنا سمحله بيه عشان يوصل لـ مُراده (فأتبع سببا)
كان بيمشي بـ جيشه في شرق الارض ومغاربها يُرسي حكمة الله في أرضه ويُقيم العدل والصلاح في كل مكان يروحله
من ضمن رحلته انه إتجه غرباً حتى وصل لمغرب الشمس ,, بس إيه مغرب الشمس دي ماهو في أي مكان في الأرض فيه غروب! ..
لأ هنا بقى المقصود انه وصل لآخــر أرض معمورة بالسكان -في زمانه- من جهة الغرب
فلاقى الشمس بتغرب على أرض زراعية مليانة عيون ميّة ,( فوجدها تغرب في عينٍ حمئة) الحمئة دي الرماد ,, والمقصود بيها إنعكاس الطين الي ف الأرض الزراعية على العيون الي في الأرض خلّى لون العين كأنه إسود ,, فبقى شكل الشمس وهي بتغرب كأنها داخلة جوا عين الميّة السودا
المهم إن أهل الأرض دي كانوا ناس ظالمين ,, فربنا خيّر ذي القرنين قال (إما أن تُعذب وإما أن تتخذ فيهم حُسنا) , طب الظالمين يستحقوا العذاب وده منطقي إنما إيه وجه الإحسان الي ممكن يكون مع ناس ظالمة؟!
الإحسان إنه يوّعيهم يمكن يكونوا من أهل الغفلة ولما يلاقوا الي يفهمّهم ويذكّرهم يتعظوا ويرجعوا عن ظلمهم
فكان قرار ذي القرنين إن (من ظلم فسوف نعذبه ) ولاحظ قال فسوف , وده دليل إنه مش هيحاسب حد بأثر رجعي , لا ده هيفهّمهم الأول وبعد كده يديهم مهلة والي يظلم فيهم بعدها هو الي هيتعذب
أما (من ءامن وعمل صالحا فله جزاءً الحسنى)
وابتدا من اول وجديد يُرسي العدل في القرية ويبدّل دولة الظلَمة بدولة جديدة على أُسس مُنصفة
_
إتجه بعدها لـ مشرق الشمس .. يااه شوف كان بيمشي من المغرب لحااد المشرق مخصوص عشان الإصلاح في الأرض ,, وقد يكون ده سبب تسميته ذو القرنين [لأنه بلغ قرني الأرض ,, أي مغرب الشمس ومشرقها] ويُقال لأنه كان لابس خوذة عليها قرنين زي بتاعت المغول ,, ويُقال لأنه وازن بين قرن العلم وقرن الإيمان و طبّق الاتنين سوا
إختلفت الأقاويل والنتيجة واحدة .. إن مش هيفرق معانا اصلا سبب التسمية كان ايه بس للعلم بالشيء مش اكتر
المهم لما وصل للمشرق أو زي ماقولنا لآخـر أرض معمورة من جهة الشرق
لاقى فيها ناس مافيش بينهم وبين الشمس أي ساتر
لا مباني ولا شجر ولا حاجة خالص (وجدها تطلع على قوم لم نجعل لهم من دونها سترا) .. أغلب الظن إن الأرض نفسها مكنش بيثبت عليها بناء ,[ أو يُقال إنهم كانوا من البلاد الي الشمس عندهم بتقعد 6 شهور نهار من غير ليل]
المهم إنهم كانوا متعرضين لشمس مميتة طول النهار ,, كانوا بيهربوا منها بالإختباء في الماء أو يُقال في الأسراب , ولما تغيب يطلعوا يعيشوا وياكلوا ..
مانعرفش ذو القرنين عمل معاهم ايه او ساعدهم إزاي لأن القرآن ماذكرش تفاصيل أكتر من كده عن القصة دي
بس أعقب بقوله تعالى (كذلك وقد أحطنا بما لديه خُبرا) .. فـ ربنا وحده الي عالم باللي حصل معاه في القصة دي وفي غيرها .. وقيل في معنى (كذلك) إنه حكم فيهم زي ماحكم في أهل الغرب

كمل ذو القرنين مسيرته لحد ماوصل عند قوم عايشين بين سدين , ويُقال في منطقة محيطة بجبلين أو منطقة مليئة بالجبال .. [الجبال دول الي كان قوم يأجوج ومأجوج ساكنين بينهم .. / يعني الناس دول جيران يأجوج ومأجوج ]
وقوله تعالى (لايكادون يفقهون قولا) فسره بعض العلماء انه من هول المصيية الي هما فيها مكنوش قادرين يعبّروا , وفسرها علماء آخرين إنهم كانوا بيتكلموا لغة غريبة وصعبة , وفسرها آخرون إنهم جُهلاء في العلم [واستدلوا على الجهل ده بطلبهم بناء السد بدل الردم] وفسرها آخرون إنهم لا بيتكلموا ولا بيسمعوا فـ إتفاهموا مع ذي القرنين بالإشارة
المهم إن الناس دي كانوا عارفين ذي القرنين وده يبيّن قد إيه شهرته سابقاه وسيطه ذايع ف الارض شرقها وغربها
قالوله يا ذي القرنين هنديّك الي انت عايزه من الاموال بس تبني سد بيننا وبين يأجوج ومأجوج
وافق على مساعدتهم ورفض أي مقابل وقال العلم الي ربنا إداهوني خير من أموالكم
مكنش عايز فلوس بس كان عايز عمالة ,, ناس تشتغل معاه لأن المأمورية كبيرة وصعبة ومحتاجة قوى عاملة كتير ,, (فأعينونني بقوة)
ومن بلاغة القرآن إنه صححلهم المطلوب بإنهم هيبنوا ردم بدل سد
والفرق من وجهة نظر هندسية إن السد بناء حي والردم بناء ميت
فالسد له عمر افتراضي بيمتد لعشرات السنين ولما يفنى ويُهدم بيتحوّل لـ بناء ميت
أما الردم هو من الأصل بناء ميت ,, فبيعيش ماشاء الله له من السنين من غير ما يفنى ..
ابتدوا فعلاً يبنوا الردم
وطلب منهم حديد وعملوه ألواح متساوية
حطوا الألواح مع بعض بين الجبلين وابتدوا ينفخوا فيها النار عشان تحمى
لما أحمرّت جابوا نحاس مُذاب دلقوه عليه وهو سخن
وبـ كده تفاعل النحاس مع الحديد عمل حاجتين :
• صنع سد منيع وقوي صعب جداااا إن حد يكسره
• جعل الردم أملس فبقى إستحالة حد يتسلّقه .. وده معنى قوله تعالى (فما اسطاعوا ان يظهروه ) يعني يتسلقوه
ومن ساعتها قوم يأجوج ومأجوج محبوسين في مكانهم على الأرض ,, وخروجهم منه هيكون من علامات قيام الساعة
_
يُحكى في حديث خروج يأجوج ومأجوج إنهم كل يوم بيقعدوا يهدّوا السد ده بكل قوتهم ,, فلما يبتدي يبانلهم شعاع الشمس من ورا السد ويكون قرّب خلاص انه يتهدم
قائدهم يقولهم تعالوا بكرة نكمل
فـ يرجع السد زي ماكان بقدرة ربنا
يجوا بكرة يلاقوا السد رجع زي الأول ويبتدوا من أول وجديد
لحد ما في يوم القائد ده يقولهم تعالوا بكرة نكمل - ان شاء الله-
فيجوا اليوم الي بعده يلاقوه زي ما سابوه آيل للسقوط ,, فيكملوا عليه ويتهد بأمر الله (فإذا جاء وعد ربي جعله دكآء )
يخرجوا ساعتها على البشر و (من كل حدب ينسلون) يعني بتلاقيهم نازلين من الأماكن المرتفعة بسرررعة وكثرة وبينتشروا في الأرض ويسعوا فساد فيها لدرجة ان شوية منهم يعدّوا على بحيرة -يُقال إنها بحيرة طبرية- فيشربوها مرة واحدة ويخلوها أرض ناشفة قبل حتى ما الباقيين يوصلولها
_
يفضلوا خاربين الدنيا وشغالين فساد وقتل ويزيدوا في الطغيان لدرجة انهم هيقولوا قد غلبنا من في الارض بقي اهل السماء ! شايفيين الجبروت والطغيان ! فيرموا سهامهم للسماء فترجع سهامهم وعليها دم بلاء ومحنة من ربنا ليهم فيزدادو تكبر وعتو ويقولو غلبنا من في الارض وعلونا من في السماء !! .. في الوقت ده هيكون سيدنا عيسى عليه السلام مع المؤمنين متحصنين عنهم في جبل ويلجأ سيدنا عيسى واصحابه لله عز وجل بالدعاء .. البلاء والمحنة اشتدو عليهم ومفيش قوة ولا حيلة لدفع الطغيان ده انقطعت كل الاسباب واللجوء لله وحده رب الاسباب .. يستجيب الرحيم جل وعلا دعائهم ويبعت لياجوج وماجوج "نغف" وده اسم الحشرات الي بتبقى في أنف الجمل , فيقضي عليهم!
سبحان الله تملّي الجبّار في الارض ربنا بيجعل نهايته على أهون سبب
عشان مانعظّمش الأسباب ونعظّم المُسبب سبحانه وتعالى
_
يخرج واحد من المسلمين مضحي بنفسه في سبيل الله عشان يشوف امر ياجوج وماجوج ووصلوا لفين ووصل طغيانهم لفين ؟ فيرجع يبشر المسلمين " ابشروا فان الله قد كفاكم عدوكم " فيخرج المسلمين من حصونهم يلاقوا الارض مليانة من نتن ياجوج وماجوج بشكل غير عادي فيلجاو لربنا تاني فيبعت ربنا طير تحمل اجسامهم وتطرحهم حيث يشاء الله وينزل ربنا مطر يغسل الارض وبعدها يامر ربنا الارض انها تطرح بركتها ويعم الرخاء ويبدا هنا عهد سيدنا عيسى مع المسلمين الي اتكلمنا عنه في البوست الي قبله#نزول_عيسى_عليه_السلام
ده كله بحث وجهد من اهل العلم فمنهم مجتهد مصيب فله اجران ومنهم مجتهد مخطئ فله اجر واحد والعلم الكامل المطلق لله عز وجل

كلمة خسوف بنقرنها دايما بخسوف القمر ولكن الخسوفات الثلاثة الي هتحصل في اخر الزمان والي هي علامة من علامات الساعة الكبرى ملهاش علاقة بالقمر نهائي ..
معنى الخسف هو ان الارض تنشق وتبلع الي فوقها فيصبح الي فوق الارض جواها .. وعلى مر التاريخ والعصور حصل خسوفات كتييرة جداا وفي مننا الي سمع او قرأ عن بعضها وكلنا تقريبا عارفين خسف قارون الي ذكره ربنا عز وجل في القرآن الكريم والهدف منها كلها ان ربنا بيحذرنا وبيخوفنا من عذابه وبيعاقب اهل البدع والمعاصي عشان نفوق ونعرف ان الساعة قربت ونتوب ونرجع لربنا سبحانه وتعالى .. ( اللهم ارزقني واياكم التوبة النصوحة )
لكن كل الخسوفات دي غير الخسوفات الثلاثة العظيمة الي ذكر الرسول صلى الله عليه وسلم انها هتحصل في اخر الزمان وكل خسف من الثلاثة بيعتبر علامة للساعة يعني عندنا 3 علامات للساعة كلها عبارة عن خسوف .. الخسوفات الثلاثة دي هتكون اعظم الخسوفات الي هتحصل على الارض وهينتج عنها هلاك عظيم وهتكون عقوبة ربانية على ظهور المعاصي وانتشارها وهتكون نذير بردو من ربنا للناس عشان يرجعوا لرشدهم ويبعدوا عن الذنوب ...
طيب هتقع فين ومكانها هيكون فين ؟؟
هتقع الخسوفات الثلاثة في ثلاثة اماكن , المكان الاول : جهة الشرق والمقصود مشرق المدينة وان الخسف هيقع في جزء من مشرق المدينة مش في المشرق كله , والمكان الثاني : جزيرة العرب ومش لازم يشمل كل الجزيرة ممكن يحصل على بعض القبائل الي فيها , والمكان الثالث : جهة الغرب والمقصود مغرب المدينة وان الخسف هيحصل في جزء منه والله تعالى اعلى واعلم .. قال صلى الله عليه وسلم ))لا تقوم الساعة حتى تروا عشر آيات: فذكر منها ثلاثة خسوف: خسف بالمشرق، وخسف بالمغرب, وخسف بجزيرة العرب(( ..
احنا بقى يهمنا ايه لما نعرف ان الخسف بالمشرق اوالخسف بالمغرب من علامات الساعة غير اننا نفوق من غفلتنا دي ونراجع نفسنا ونشوف علاقتنا مع ربنا ازاي واستعدادنا لمقابلته عز وجل ازاي .. نشوف المعاصي والذنوب الي بعدانا عن ربنا والعبادات والطاعات الي مقصرين فيها .. وفعلا العلامة دي من اقصر العلامات الي كتبت فيها لان المعلومات المستخلصة من الاحاديث مش كتيرة وده دليل على ان التفاصيل مش دايما بتكون مهمة المهم يكون عندنا ايمان بان العلامة دي هتحصل و يدفعنا ده لاننا نراجع نفسنا ..

الدخان الي هيظهر اخر الزمان مش دخان حرايق ولا دخان مصانع ولا دخان عوادم .. دخان عظييم دخان مبين جعله ربنا علامة من علامات الساعة الكبرى ..
هيملأ ما بين المشرق والمغرب وهيفضل في الارض 40 يوم .. هيعم الكون كله فيخاف الناس منه وتتملي قلوبهم رعب وفزع فيعرفوا انه حدث غير عادي والمؤمن منهم هيجيله من الدخان ده زكام اما الكافرمنهم فهيدخل الدخان جسمه فيتنفخ لغاية ما يخرج الدخان من كل جهة من جسمه من عينه ومن اذنه ومن دبره ومن منخريه ..
دخان محدش يعرف لونه هل هو اسود ؟هل هو ابيض ؟ .. محدش يعرف سببه هل سببه تغير في المجرات ؟ ولااصطدام بين الكواكب ؟ ولا احتراق في الغلاف الجوي ؟ الله وحده اعلى واعلم لكننا بنؤمن ان له سبب ربنا هيسببه اذا شاء عز وجل .. قال تعالى (فَارْتَقِبْ يَوْمَ تَأْتِي السَّمَاءُ بِدُخَانٍ مُّبِينٍ (سورة الدخان آية [10] ..
• اغلب العلماء وكتير منهم سلفا وخلفا رجحوا الكلام الي كتبته فوق وهو ان الدخان علامة للساعة لسه محصلتش وهتحصل قرب قيام الساعة ومن الصحابة الي رجحوا كده علي بن أبي طالب وابن عباس وأبو سعيد الخدري -رضي الله عنهم- وغيرهم، وكثير من التابعين ووافقهم ابن كثير .
• لكن في بعض العلماء قالوا ان الدخان ده وقع وانتهى وكان هو الدخان الي جه على قريش ومن الصحابة الي رجحوا كده عبد الله بن مسعود -رضي الله عنه- وتبعه جماعة من السلف ورجحه ابن جرير الطبري رحمه الله.

دخان قريش قريش ؟

طيب كلنا عارفين انه في بداية ظهور الاسلام قريش كانت بتحارب الاسلام اشد محاربة وكانت بتعذب أي حد اسلم وشهد بانه لا اله الا الله وان محمدا رسول الله .. الرسول صلى الله عليه وسلم شاف المسلمين بيتعذبوا قدامه شاف المسلم الي مرمي في الارض وعمال يضرب شاف المسلم الي مرمي عليه صخرة شاف آل ياسر وهما بيتعذبوا .. حزن الرسول و انذر قريش ودعاهم وخوفهم بس مفيش استجابة .. فرفع ايده لربنا سبحانه وتعالى ودعا وقال اللهم اجعلها عليهم سنين كسنين يوسف .. فانقطع المطر واشتد على قريش الجدب وارتفعت درجة الحرارة لدرجة انها كانت تكاد تغلي المية وتصهر الحديد وماتت النباتات .. تعبت قريش واصابهم الجوع والضنك ومن شدة الجوع والتعب الي هما فيه كانوا بيرفعوا ابصارهم للسماء فيشوفو زي الدخان من شدة الغبار وانه مفيش لا غيوم ولا سحاب ولا مطر.. فراحو للنبي صلى الله عليه وسلم وقالوا له انت مش بتزعم انك رحيم باهلك وقومك؟ .. قالهم نعم .. فقالوله انت مش شايف حالنا والي احنا فيه ادعي لنا ربك يرفع عننا البلاء ده .. فدعا النبي صلى الله عليه وسلم ربنا فاستجاب الله دعائه ورفع البلاء عنهم بعد سنة عاشوها جدب وقحط وجوع وتعب ..
• وبعض العلماء جمعوا بين الآثار وقالوا : ان فيه دخانان .. ظهر احدهما واتبقى الاخر الي هيظهر في اخر الزمان.. فالي كانت قريش بتشوفه كهيئة الدخان ده دخان غير الدخان الحقيقي الي هيكون قرب وقوع الساعة ..
ده كله بحث وجهد من اهل العلم فمنهم مجتهد مصيب فله اجران ومنهم مجتهد مخطئ فله اجر واحد والعلم الكامل المطلق لله عز وجل
اللهم إن أخطأت فمن نفسي والشيطان وإن أصبت فمنك وحدك لك الحمد والشكر استغفرك واتوب اليك ..
ملحوظة : اختلف العلماء فى الترتيب الصحيح لعلامات الساعة ..

هيجي يوم على الدنيا عمر ما جه يوم زيه ابداا !! يوم فيه اول آية هتاذن بتغير العالم العلوي .. يوم هتحصل فيه معجزة عظيمة بتبين عظمة وقدرة ربنا عز وجل .. معجزة هتكسر كل الانظمة والحسابات الفلكية الي الكون ماشي بيها .. معجزة معاكسة للطبيعة الكونية الي ابدعها الخالق عز وجل .. يوم هيصحى فيه الناس وهيستنوا الشمس تطلع من المشرق زي أي يوم بتطلع فيه .. كل يوم الشمس بتشرق من المشرق وبتغرب من المغرب طبيعي .. وبعد ما تغرب بتستقر تحت عرش ربنا ساجدة للمولى عز وجل سجود منقدرش احنا البشر نحيط به بسبب علمنا المحدود قد يكون خلال تحركها مع المجره او غيره مما لم يصل اليه العلم, .. وهكذا كل يوم
ولكن ..في ليلة اليوم ده هتستاذن الشمس ربنا انها تطلع من المشرق فيقلها ربنا عز وجل ارجعي من حيث جئت .. فتطلع الشمس من المغرب فيستعجب الناس ويشوفوها كلهم كافرهم ومسلمهم برهم وفاجرهم صالحهم وطالحهم كبيرهم وصغيرهم وهما في ذهول غير عادي .. ويتبادر في اذهانهم اسئلة كتيير مين الي خلى الشمس تطلع من المغرب ؟ مين الي غير نظام الكون ؟ مين الي بيدبر الكون ؟؟ ووقتها يتيقنوا ان الكون العظيم ده له خالق له مدبر يفعل مايشاء ويحكم مايشاء .. وقتها يعرفوا ان الشمس دي ليها خالق اذا شاء خلاها تطلع من المشرق واذا شاء خلاها تطلع من المغرب واذا شاء فعل مايشاء .. وقتها هيتحول الغيب الى شهادة الي كان الناس مامورين يؤمنوا بيه غيبا خلاص بقى قدام عينهم فيؤمنوا كلهم .. بس بعد ايه !! بعد ما باب التوبة اتقفل !! .. لما بتطلع الشمس من مغربها باب التوبة بيتقفل .. وقتها ربنا مبيقبلش ايمان كافر ولا توبة عاصي ... لو سجد تارك الصلاة لو دمعت عين العاق لوالديه لو تاب مضيع الزكاة لو بكى الناسي الغافل العاصي لو بكى الناس كلهم دم ولو عملوا الي عملوه ربنا مش هيقبل منهم توبة .. قال صلى الله عليه وسلم (لا تزال تقبل التوبة حتى تطلع الشمس من مغربها.)
دايما ربنا بيامرنا اننا نسارع بالتوبة بيامرنا نرجع ليه ونقرب منه.. بيذكرنا وبيعظنا في كتابه الكريم .. بيبسط ايده بالليل عشان يتوب مسئ النهار وبيبسط ايده في النهارعشان يتوب مسئ الليل .. بيبسط ايده عشان نندم ونستغفر ونتوب .. عشان نبعد عن المعاصي ونجتهد في الطاعات .. بيبعتلنا رسايل عشان نراجع نفسنا وعلاقتنا معاه .. وعلامة النهردة رسالة ربنا باعتهالك لعلك ترجعله وتتوب توبة نصوحة .. باب التوبة لسه مفتوح ولسه قدامنا فرصة .. عايزين نتوب ومنرجعش عايزين نتوب توبة نصوحة نمحي بيها ذنوبنا كلها وتكون بداية عهد جديد لينا مع ربنا ..
احنا كلنا باختلاف اعمارنا واجناسنا صغار او كبار بنات او اولاد نفسنا نبدا صفحة جديدة مع ربنا وغالبا هتكون بينا حاجات مشتركة كتيير في اسباب تاخيرنا للتوبة بحكم الزمن الي بنعيشه كلنا .. ايه رايكم في نقاش عن موضوع التوبة ويعني ايه توبة نصوحة وايه شروطها وايه الحاجات الي بتمنعها وبتاخرنا وايه الي نقدر نعمله عشان نرجع لربنا ونتوب توبة نصوحة قبل ما الفرصة تروح .. محدش فينا عارف هو هيموت امتى .. بس لو متنا هل هنروح لربنا وهو راضي عننا ولا هنروح واحنا مليانيين ذنوب ومعاصي ؟؟
ان شاء الله بكرة الساعة 11 بالليل بتوقيت مصر هيكون نقاشنا في بوست عن موضوع التوبة وهيشارك فيه كتير مش هبقى انا بس لا ده هيبقى معانا اكتر من ادمن واكتر من متابع وانتو كمان هنساعد بعض وان شاء الله نوصل لحلول .. ربنا يهدينا ويرزقنا التوبة النصوحة ..
نكمل علامتنا ..
طيب ايه سبب طلوع الشمس من مغربها ؟؟
ذكر في كده نظريات كتيرة ... الاول احنا عارفين ان ربنا من اول ما خلق الارض والشمس بتشرق من المشرق وبتغرب من المغرب عن طريق دورانها حول نفسها بعكس اتجاه عقارب الساعة وبينتج عن دورانها عكس نفسها تعاقب الليل والنهار ..
• نظرية بتقول انه عشان تطلع الشمس من المغرب بالعكس فهي لازم تلف بالعكس يعني باتجاه عقارب الساعة وعشان يحصل كده يا اما هيضربها نيزك او مذنب كبييير اكبر من حجمها وبالتالي هيغير اتجاه دورانها ..
• نظرية بتقول ان في رياح كونية قوية جداا هتيجي على مدار الارض بحيث انها تتسبب في بطئ حركة الارض وبعدها تخليها تلف في الاتجاه المعاكس
• نظرية بتقول ان هيحصل انقلاب في الحقل المغناطيسي للارض وبالتالي ده هياثر على اتجاه دورانها بردو ويخليها تلف بالعكس
• في نظرية بتقول ان الارض هتتباطئ من تلقاء نقسها في الدوران لغاية ما تتوقف تدريجي وبعدها ترجع تلف بالعكس من خلال تاثير جاذبية القمر وظاهرة المد والجزر
كلها نظريات علماء الفلك والارض حطوها ومحدش يعرف ايه السبب ولا امتى ولا ازاي لان كل ده في علم الغيب وربنا وحده عز وجل اعلى واعلم ووقت ما يشاء يخلي الشمس تطلع من المغرب هتطلع فورا باذنه .. سبحانه اذا قال للشي كن فيكون .. واحنا كمسلمين مش محتاجين نظريات اصلا لاننا مؤمنين بوقوعها ولانها علامة مذكورة عندنا في القران الكريم وفي السنة النبوية وده اكبر دليل لكل العلماء على اعجاز القران الكريم وسنة الحبيب ...
هل هتفضل الشمس تطلع من المغرب وتبقى الطبيعة الكونية كده ؟؟
لا .. الشمس هتطلع يوم واحد بس من المغرب وبعدها هترجع لطبيعتها تشرق من المشرق وتغرب من المغرب ولكن باب التوبة خلاص اتقفل .. وهيرجع الناس بردو لحياتهم زي ما كانوا لغاية ما تظهر باقي العلامات وتقوم القيامة ..
طيب في ناس هتتلخبط وتسال دلوقت هو ازاي ذكر في بعض الاحاديث ان اول علامات الساعة طلوع الشمس من مغربها والدابة وذكر في احاديث تانية ان اول علامات الساعة الدجال ؟؟
قال ابن حجر : الارجح من مجموع الاخبار ان الدجال هو اول الايات العظيمة الي هتاذن بتغير الاحوال العامة في معظم الارض ... وان طلوع الشمس من مغربها هو اول الايات العظيمة الي هتاذن بتغير احوال العالم العلوي ورجح ان خروج الدابة هيكون في نفس يوم طلوع الشمس من مغربها .. واختلف معاه علماء فقالوا ان طلوع الشمس وخروج الدابة هيكون متتالي ورا بعض بس مش في نفس اليوم .. وقال الحاكم ابن عبد الله ان طلوع الشمس من مغربها هيسبق خروج الدابة عشان لما تتطلع الشمس من المغرب ويتقفل باب التوبة هتخرج الدابة وقتها وتميز بين المسلم والكافر والله تعالى وحده اعلى واعلم....اختلافات في الترتيب لكن المقصد واحد.. وهنتكلم عن الدابة بتفصيل العلامة الجاية باذن الله

لما اتكلمنا عن #طلوع_الشمس_من_مغربها قلنا ان خروج الدابة ياما هيكون في نفس اليوم او هيكون بعدها او هيكون قبلها .. المهم ان العلامتين هتكون متتاليتين ورا بعض .. ووقت خروج الدابة هتكون المعاصي والمنكرات منتشرة بين الناس ومحدش بيامر بالمعروف ولا بينهي عن المنكر ومحدش بيتوب ولا بينوب لربنا لانه على الارجح هيكون باب التوبة اتقفل فهيكون خروج الدابة حجة على المعاندين وبرهان للمؤمنين .. هتخرج الدابة وتطلع على الناس في غفلة منهم .. هتكلمهم وتخاطبهم بكلام مسموع مفهوم وبلفظ منطوق وهتسمهم بعلامة بحيث انها تميز بين المسلم والكافر.. كيفية الوسم محدش يعرفها اما بالجرح او بالكتابة او بالكي الله اعلم والاحاديث الواردة في كيفيته منها الضعيف ومنها المختلف في تصحيحه.. ومن الاحاديث المختلف في تصحيحها حديث بيبين ان الدابة هيكون معاها خاتم سليمان وعصا موسى فهتعلم على وجه المؤمن بالعصا وهتعلم على انف الكافر بالخاتم وحديث اخر بيبين انها هتسم الناس بعلامة على أنفهم وحديث آخر انها هتعلم على انف الكافر بس .. والله تعالى اعلى واعلم
وعلى كل حال أيا كانت الكيفية المتفق عليه انها هتسمهم بحيث تميز بين الكافر والمسلم ويبقى وصفهم (اما كافر اومسلم) كانه هو اسماؤهم فلما حد ينادي التاني هيناديه (يامسلم) او (ياكافر) ..
_________________________
طيب الدابة دي عبارة عن ايه ؟؟ وهتخرج من فين ؟؟
ذكر في مكان خروج الدابة وفي حقيقتها ووصفها اقوال كتيير وفيها اختلافات كتيير .. فهعرض بعض الاقوال الي محدش يقدر يجزم بشئ منها لانها من الغيبيبات التي لا يعلمها الا الله ولان الاحاديث المذكورة في الدابة اغلبها موقوفة على الصحابة والتابعين اما الاحاديث المرفوعة للرسول صلى الله عليه وسلم فهي محدودة ..
• مكان خروج الدابة ؟
-قيل انها هتخرج من جبل الصفا في مكة
-وقيل من اسفل الكعبة
-وقيل من البادية يعني من الصحراء
-وقيل لها 3 خرجات الاولى من اقصى البادية وبعدين تختفتي وبعدين تطلع تاني من اودية وراء مكة وتختفي وبعدين تطلع تالت من مكة نفسها ... والله تعالى اعلى واعلم
• حقيقة الدابة ؟
- قيل ان هي ناقة صالح عليه السلام الي اخرجها ربنا من الصخرة
- وقيل انها فصيل ناقة صالح يعني ولد ناقة صالح عليه السلام
- قيل انها انسان هيكلم الناس ويحاججهم وده باطل ابطله العلماء
- وقيل انها الجساسة الي اتكلمنا عنها هنا#المسيح_الدجال وده قول ابطله بعض العلماء بردو
- وقيل انها دابة ملهاش علاقة بناقة صالح هتخرج اخر الزمان ... والله تعالى اعلى واعلم
• صفات الدابة ؟
- قال ابن عباس رضي الله عنهما: هي مثل الحربة الضخمة ( نوع من الزواحف بتتلون حسب الحاجة الي بتمشي عليه )
- قال علي بن أبي طالب رضي الله عنه أنه قال: إنها دابة لها ريش وزغب (الريش الصغير الناعم ) وحافر، وما لها ذنب (ذيل) ، ولها لحية.
- قال ابن الزبير رضي الله عنه: رأسها رأس ثور وعينها عين خنزير، وأذنها أذن فيل، وقرنها قرن أيل (حيوان من الثديات يشبه الغزلان ) ، وعنقها عنق نعامة، وصدرها صدر أسد، ولونها لون نمر، وخاصرتها خاصرة هر، وذنبها ذنب كبش، وقوائمها قوائم بعير، بين كل مفصلين اثنا عشر ذراعاً، تخرج معها عصا موسى، وخاتم سليمان، فلا يبقى مؤمن إلا نكتت في وجهه نكتة بيضاء فتفشو فى وجهه حتى يبيض وجهه ولا كافر إلا نكتت في وجهه نكتة سوداء بخاتم سليمان فتفشو تلك النكتة السوداء حتى يسود لها وجهه .. والله تعالى اعلى واعلم
زي ما احنا شايفين قيل فيها اقوال كتييير .. وخصوصا في صفاتها هنلاقي اوصاف خيالية عجيبة ! لم يرد فيها حديث مرفوع للرسول صلى الله عليه وسلم ومحدش يقدر يجزم بشئ منها ولا يثبتها لانها من الغيبيات الي ربنا وحده اعلم بيها .. والرسول صلى الله عليه وسلم ما اخبرناش بكيفيتها ولا بصفاتها لكن وضحلنا اثرها والقصد منها وانها آية من آيات ربنا وعلامة من علامات الساعة ... فاحنا بنؤمن ان ربنا في اخر الزمان هيخرج للناس دابة هتكلمهم وتميز بين الكافر وبين المسلم وهتكون علامة من علامات الساعة و آية من ايات ربنا .. وايماننا ده من الايمان بالغيب الي ربنا مدح المؤمنين بيه ..
فمن الافضل اننا منخضش في صافتها وكيفيتها كتير .. الرسول صلى الله عليه وسلم خرج على اصحابه في مرة فقالهم فيم تتذاكروان .. قالوا نذكر الساعة فرد عليهم وقال انها لن تقوم حتى تروا قبلها 10 ايات وذكر منها الدابة .. وقتها الصحابة مسالهوش ايه لونها ؟؟ طب ايه شكلها ؟؟ طب ايه حجمها ؟؟ الصحابة بيسالوا بس الاسئلة الي بتفيدهم وتنفعهم في دينهم ودنياهم .. انما سؤال مش هيفيد بحاجة ولا هينفعهم بحاجة مبيفكروش فيه اصلا .. ناس اتاها ربنا حكمة يسيروا في الدنيا بيها .. اللهم ارزقنا الحكمة يارب العالمين ..
_______________
بعد ما تسم الدابة الناس وتميز بين المسلم والكافر ويبقى وصفهم (يا مسلم) او ( يا كافر) هيتعود الناس على كده ويعيشوا مع بعض وتمضي الحياة لغاية ما تقرب القيامة ويقرب النفخ في الصور فيبعث ربنا ريح طيبة باردة تقبض ارواح المؤمنين لان القيامة مش هتقوم الا على شرار الخلق.. تدخل للمؤمنين من آباطهم برفق ولين وتقبض ارواحهم .. هتقبض روح كل مؤمن على وجه الارض مش هتسيب واحد في قلبه ذرة ايمان الا وهتقبض روحه .. فالمؤمنين ربنا قال عنهم (لَا يَحْزُنُهُمُ الْفَزَعُ الْأَكْبَرُ وَتَتَلَقَّاهُمُ الْمَلَائِكَةُ هَٰذَا يَوْمُكُمُ الَّذِي كُنتُمْ تُوعَدُونَ (آية رقم (103) سورة الانبياء ... اللهم اعمر قلوبنا بالايمان ..
بعد ما تقبض الريح الطيبة ارواح المؤمنين مش هيتبقى على الارض الا شرار الناس الي اخر علامة هتظهر عليهم وبعدها تقوم القيامة عليهم قال صلى الله عليه وسلم (............... ثم يبعث الله ريحا باردة تجيء من قبل الشام ، فلا تدع أحدا في قلبه مثقال ذرة من إيمان إلا قبضت روحه ، حتى لو أن أحدكم دخل في كبد جبل لدخلت عليه حتى تقبضه ، ثم يبقى شرار الناس ، فيجيئهم الشيطان فيأمرهم بعبادة الأوثان فيعبدونها )

بفضل الله وعونه وصلنا لآخر علامة من علامات الساعة الكبرى ..
وصلنا للحد الفاصل بين الحياة الدنيا والحياة الآخرة .. وصلنا لاخر علامات الساعة ولاول الآيات المؤذنة بقيامها .. متبقاش بعدها الا النفخ في الصور عشان تقوم القيامة على شرار الخلق ..
نار عظيمة هتخرج من اليمن تحديدا من قعر(عمق) عدن من بحر حضر موت ( الي هو بحر العرب ) .. هتجوب الارض عشان تطلع الناس من اماكنهم وبلدانهم و بيوتهم منهم الي عنده الدواب والمراكب , ومنهم الي بيبدل الدابة مع غيره فمرة راكب وغيره ماشي ومرة بيمشي وغيره راكب , ومنهم الي لا عنده ده ولا ده المهم هتسوقهم كلهم الى ارض المحشر في الشام فالهدف من النار دي مش انها تحرق الناس لا الهدف منها انها تقود وتسوق الناس الى ارض المحشر فاذا مشي الناس ولما تعبوا وقفوا عشان يناموا وقفت النار تستناهم واذا صحيوا بدات النار تسوقهم واذا باتوا في الليل باتت معاهم واذا صحيوا رجعت النار تسوقهم لغاية ما تجمعهم في الشام فالناردي مش هتحرق حد الا باذن الله .. قال صلى الله عليه وسلم (سَتَخْرُجُ نَارٌ فِي آخِرِ الزَّمَانِ مِنْ حَضْرَمَوْتَ أَوْ بَحْرِ حَضْرَمَوْتَ تَحْشُرُ النَّاسَ " فَقُلْنَا : يَا رَسُولَ اللَّهِ ، فَمَا تَأْمُرُنَا ؟ " عَلَيْكُمْ بِالشَّامِ( "
-----------
لخبطتينا بقى !! هي النار دي من اليمن ولا من الحجاز !! اصل انا سمعت حديث عن الرسول صلى الله عليه وسلم قال (لا تقوم الساعة حتى تخرج نار من أرض الحجاز، تضيء أعناق الإبل ببصرى) ؟؟
ايوة مضبوط بس النار الي في الحديث ده غير النار الي بنتكلم عنها والي هتحشر الناس في اخر الزمان ... النار المذكورة في الحديث ده من علامات الساعة الصغرى ودلالة على صدق نبوة النبي صلى الله عليه وسلم فالبفعل ظهرت النار دي في منتصف القرن السابع الهجري في عام 654، وكانت نار عظيمة ووصفها العلماء الي عاصروا ظهورها , ومن اقوالهم :
قال النووي: (خرجت في زماننا نار بالمدينة سنة أربع وخمسين وستمائة, وكانت ناراً عظيمة جداً من جنب المدينة الشرقي وراء الحرة، تواتر العلم بها عند جميع الشام وسائر البلدان، وأخبرني من حضرها من أهل المدينة) .
ونقل ابن كثير (أن غير واحد من الأعراب ممن كان بحاضرة بصرى، شاهدوا أعناق الإبل في ضوء هذه النار التي ظهرت من أرض الحجاز) .
وذكر القرطبي (ظهور هذه النار وأنها رؤيت من مكة ومن جبال بصرى).
وقال ابن حجر: (والذي ظهر لي أن النار المذكورة... هي التي ظهرت بنواحي المدينة كما فهمه القرطبي وغيره)
-----------
طيب سؤال هو الحشرده غير الحشر العام لكل الناس والي هيكون يوم القيامة ؟؟
ايوة تمام .. الحشر ده حشر لمجموعة الناس الي هيكونوا موجودين في آخر الدنيا فهو هيحصل قبل القيامة انما الحشر الي هيكون يوم القيامة هيكون لكل الناس بعد ما ربنا يبعثهم من قبورهم للحساب والجزاء .. اللهمّ لا تحاسبنا بأعمالنا, فذنوبنا لا يغفرها الا أنت ,فأنت القوي ونحن الضعفاء ,اللهم عاملنا بفضلك ولا تعاملنا بسوء أفعالنا؛ فإنك ذو الفضل العظيم، ونحن ذو الإساءة، نستغفرك اللهم ونتوب إليك ..
سلسلة علامات الساعة الكبرى ذكرى وموعظة الهدف الاساسي منها مش اننا ننشغل بترتيبها وايه الي هيحصل الاول وايه الي هيحصل الآخر وما الى ذلك .. لكن الهدف الاساسي منها اننا نستعد للآخرة بالايمان والعمل الصالح ونسارع بالتوبة لله عز وجل ومنركنش للدينا ونتعلق بيها وننسى الاخرة ونغفل عنها, واننا نعرف قدرة ربنا العزيز الجبار الي بايده كل شئ وبحكمه بيسير كل شئ اذا قال للشئ كن فيكون , واننا نعرف غيرنا بيها عشان يستعدوا بالتوبة والعمل الصالح ..
مستني ايه ؟ مش ممكن القيامة تقوم بكرة ؟ ولو مش هتقوم الا بعد 100 سنة هل انت ضامن عمرك للحظة ؟ هل انت ضامن تعيش ثانية في الدنيا ؟ الانسان لو مات قامت قيامته .. قوم وفوق من غفلتك .. استعد بالتوبة ..بالعبادات .. بنشر الخير .. بطلب العلم .. بالدعوة لله .. بكل عمل صالح ..
وبكده تم بحمد الله وفضله الانتهاء من سلسلة#علامات_الساعة_الكبرى .. اللهم لك الحمد كما ينبغي لجلال وجهك وعظيم سلطانك .. أسال الله ان ينفع بها ويجعل النية فيها خالصة لوجهه سبحانه وتعالى ...
_____________
ده كله بحث وجهد من اهل العلم فمنهم مجتهد مصيب فله اجران ومنهم مجتهد مخطئ فله اجر واحد والعلم الكامل المطلق لله عز وجل
اللهم إن أخطأت فمن نفسي والشيطان وإن أصبت فمنك وحدك لك الحمد والشكر استغفرك واتوب اليك ..

• غرّد
• شارك
• شارك
• شارك
• شارك